तपस्या निराली रे
Tapasya Nirali Re
76
तपस्या निराली रे — Lyrics
तपस्या निराली रे देखो, चमके है तपसी रो दीदार, खुल ज्यावै सुरगां रा भी द्वार, मिट ज्यावै जनमां रा विकार, संयम री शक्ति, तपस्या निराली रे ।।
करड़ो काम तपस्या रो, विरला ही कोई कर पावै, नाम सुण्या ही जीवड़ो कांपै, धड़कन भी तो बढ़ ज्यावै । दीखे है दिन में तारा, आंख्यां में अंधियार, संयम री शक्ति, तपस्या निराली रे ।।
धीरे—धीरे चालै तपसी, धीरे—धीरे बोलै है, अपनी धुन में बैठ्यो—बैठ्यो, भीतर गांठां खोले है । समता रा दीप जलावै, समता ही सुखकार, संयम री शक्ति, तपस्या निराली रे ।।
धर्म—ध्यान रो मेळो लाग्यो, होडा होड लगाई है, गली—गली में तप री चर्चा, शासन माता आई है । भिक्षु रो शासण प्यारो, तुलसी रो आधार, संयम री शक्ति, तपस्या निराली रे ।।
Roman Transliteration
tapasya nirali re dekho, chamke hai tapsi ro didar, khul jyavai surgan ra bhi dvar, mit jyavai janman ra vikar, sanyam ri shakti, tapasya nirali re ..
kardo kam tapasya ro, virla hi koi kar pavai, nam sunya hi jivdo kampai, dhadakan bhi to badh jyavai . dikhe hai din men tara, ankhyan men andhiyar, sanyam ri shakti, tapasya nirali re ..
dhire—dhire chalai tapsi, dhire—dhire bolai hai, apani dhun men baithyo—baithyo, bhitar ganthan khole hai . samta ra dip jalavai, samta hi sukhkar, sanyam ri shakti, tapasya nirali re ..
Dharm—dhyan ro melo lagyo, hoda hod lagai hai, gali—gali men tap ri charcha, shasan mata ai hai . Bhikshu ro shasan pyaro, Tulsi ro adhar, sanyam ri shakti, tapasya nirali re ..