तास रा पत्ता
Tas Ra Patta
2594
तास रा पत्ता — Lyrics
तास रा पत्ता जागो थानै सुगुरू जगावै मुगति रो मारग दिखलावै। साचो तात्त्विक ज्ञान सिखावै तास पानां रो ओ खेल प्यारो प्यारो लागै इणरी शिक्षा ऊंपर ध्यान क्यूं नहीं थांरो लागै।।
तेरै पत्ता तास रा ए देवे सीख अमोल है तेरै बातां सीखो आं में भरिया मीठा बोल है एक आतमा ने जीतो थे बणो ने डांवाडोल है राग द्वेष है कर्म बंध रो मूल न इणमें गोल है तीन अंक पर ध्यान टिकाओ। मन बच काया गुप्त बनाओ। चंचलता पर काबू पाओ।।
तास रा पानां में थांनै चौथो अंक सिखावै है सम्यग् दर्शन ज्ञान चरित तप मुक्ति में पहुंचावै है पांचूं इंद्रयां वश में करल्यो पांच रो अंक बतावै है छ: काया री हिंसा रोको छक्की पाठ पढ़ावै है जागो-जागो मिनखां स्याणा। छोड़ो झूठा ताना बाना। समझो तास रा सगला पानां।।
सात व्यसन स्यूं दूर रहणो जीवन में थे स्वीकारो आठ सिखावै आठूं ही कर्मा स्यूं पावो छुटकारो नौ बाड़ां स्यूं जीवन री रक्षा करनी दिल में धारो दस धर्मा से पालन कर थे जीवन नैया ने तारो एक एक ओ पत्तो बोले। कानां री खिड्क्यां नै खोलै। गले उतारो होलै-होलै।।
राणी थिर नहीं ज्यूं ओ जीवन थिर नहीं बहतो जावै है गोलो बोलै धार्मिकता स्यूं पाप विलय हो जावै है सब पत्तां में मोटो राजा मोह कर्म कहलावै है जो तोड़े इन मोह कर्म ने बो मुगति ने पावै है खेलो इसड़ो खेल सुज्ञानी। छोड़ो थे अपनी नादानी। समझावै गुरूवर महाज्ञानीा।
Roman Transliteration
tas ra patta jago thanai suguru jagavai mugti ro marag dikhlavai. sacho tattvik jnan sikhavai tas panan ro o khel pyaro pyaro lagai inari shiksha umpar dhyan kyun nahin thanro lagai..
terai patta tas ra e deve sikh amol hai terai batan sikho an men bhariya mitha bol hai ek atama ne jito the bano ne danvadol hai rag dvesh hai Karm bandh ro mul n inamen gol hai tin ank par dhyan tikao. man bach kaya gupta banao. chanchalta par kabu pao..
tas ra panan men thannai chautho ank sikhavai hai samyag darshan jnan charit tap mukti men pahunchavai hai panchun indrayan vash men karalyo panch ro ank batavai hai chh: kaya ri hinsa roko chhakki path padhavai hai jago-jago minkhan syana. chhodo jhutha tana bana. samjho tas ra sagla panan..
sat vyasan syun dur rahno jivan men the svikaro ath sikhavai athun hi karma syun pavo chhutkaro nau badan syun jivan ri raksha karni dil men dharo das dharma se palan kar the jivan naiya ne taro ek ek o patto bole. kanan ri khidkyan nai kholai. gale utaro holai-holai..
rani thir nahin jyun o jivan thir nahin bahto javai hai golo bolai dharmikta syun pap vilay ho javai hai sab pattan men moto raja moh Karm kahlavai hai jo tode in moh Karm ne bo mugti ne pavai hai khelo isado khel sujnani. chhodo the apani nadani. samjhavai guruvar mahajnaniा.