शासन प्यारो रै,
Shasan Pyaro Rai,
2286
शासन प्यारो रै, — Lyrics
शासन प्यारो रै, शासन प्यारो रै, म्हारै जीवन रो आधार, स्वामीजी थारो शासन प्यारो रे, खोलै अनुभव वालो द्वार, स्वामीजी थारो।।
१. निज पर शासन हुवै जणा, गुरु-अनुशासन रो रंग जमै। एक दूसरै नै दे आदर, गुरु-चरणां में शीश नमै। मर्यादा चोखी बांधी, मेटी भीतर री आंधी, पावन श्रद्धाचार।।
२. संजम सुद्ध पलै सघळां रो, उत्तम इसो उपाय करयो। न्याय-नीत रै मारग चालो, हियो प्रेम स्यूं रहै भरयो। थारी आ सीख सुहाणी, सदा नई अर सदा पुरागी, जीवन रो आधार।।
३. आज्ञा धरम, अनाज्ञा अधरम, ओ थे अनुपम सूत्र दियो। त्याग-भोग अर व्रत-अव्रत रो, लेखो समझ्यां ठरै हियो। समकित रा रोप्या पाया, संजम री ठंडी छाया, उदितोदित व्यवहार।।
४. प्राणां स्यूं बढ़कर है शासन, तन-मन इण पर म्हे वारां। अनुशासन रो रंग मजीठी, शिक्षावां सिर पर धारां। थारै खोजां पर चालां, इंगित पर निज ने ढाळां, 'बुद्व'नमन सौ बार।।
Roman Transliteration
shasan pyaro rai, shasan pyaro rai, mharai jivan ro adhar, svamiji tharo shasan pyaro re, kholai anubhav valo dvar, svamiji tharo..
1. nij par shasan huvai jana, Guru-anushasan ro rang jamai. ek dusrai nai de adar, Guru-charnan men shish namai. maryada chokhi bandhi, meti bhitar ri andhi, pavan shraddhachar..
2. sanjam suddha palai saghlan ro, uttam iso upay karyo. nyay-nit rai marag chalo, hiyo prem syun rahai bharyo. thari a sikh suhani, sada nai ar sada puragi, jivan ro adhar..
3. ajna dharam, anajna adharam, o the anupam sutra diyo. tyag-bhog ar vrat-avrat ro, lekho samajhyan tharai hiyo. samkit ra ropya paya, sanjam ri thandi chhaya, uditodit vyavhar..
4. pranan syun badhakar hai shasan, tan-man in par mhe varan. anushasan ro rang majithi, shikshavan sir par dharan. tharai khojan par chalan, ingit par nij ne dhalan, 'budva'naman sau bar..