गुरुदेव! थांरी यादां घणी सतावै रात-दिन,
Gurudev! Thanri Yadan Ghani Satavai Rat-Din,
857
गुरुदेव! थांरी यादां घणी सतावै रात-दिन, — Lyrics
गुरुदेव! थांरी यादां घणी सतावै रात-दिन, गुरुदेव! मनड़ो दरसण नै ललचावै रात-दिन, गण देवता हो, आत्मदेव।।
१. कलजुग भी सतजुग बण्यो, पद रज तणै प्रताप, लाखां लोगों रा हऱया, भव भव रा संताप, गुरुदेव! थांरी महिमा चेतै आवै रात-दिन।
२. पिता जिसी रखवाल ही, हो माता सो हेज, जिनवर सो अतिशय घणो, सूरज सो तप तेज, गुरुदेव! थांरी मुद्रा मन हरसावै रात-दिन।
३. नैतिकता नै बळ दियो, करयो जगत् उद्धार, जस थांरो शिखरां चढ्यो, गुण गावै संसार, गुरुदेव! थांरौ गौरव बढ़तो जावै रात-दिन।
४. अनुशासन राख्यो जबर, जबर व्यवस्था ढंग, आकर्षण चुंबक जिसो, मिटै न लाग्यो रंग, गुरुदेव! थां बिन सारो शून्य लखावै रात-दिन।
५. जन-मन रा थे देवता, उत्तम आस्था—धाम, बुद्ध! हियै में रम रह्मा, बण जीवन-विश्राम, गुरुदेव! थांरी ओल्यूं नींद जगावै रात-दिन।
Roman Transliteration
Gurudev! thanri yadan ghani satavai rat-din, Gurudev! mando darasan nai lalchavai rat-din, gan devta ho, atmadev..
1. kaljug bhi satjug banyo, pad raj tanai pratap, lakhan logon ra haऱya, bhav bhav ra santap, Gurudev! thanri mahima chetai avai rat-din.
2. pita jisi rakhval hi, ho mata so hej, jinavar so atishay ghano, suraj so tap tej, Gurudev! thanri mudra man harsavai rat-din.
3. naitikta nai bal diyo, karyo jagat uddhar, jas thanro shikhran chadhyo, gun gavai sansar, Gurudev! thanrau gaurav badhto javai rat-din.
4. anushasan rakhyo jabar, jabar vyavastha dhang, akarshan chumbak jiso, mitai n lagyo rang, Gurudev! than bin saro shunya lakhavai rat-din.
5. jan-man ra the devta, uttam astha—dham, buddha! hiyai men ram rahma, ban jivan-vishram, Gurudev! thanri olyun nind jagavai rat-din.