उमराव थांरो पचरंग पेचो भीजै

उठ जाग थारो जीवन सूं ही बीत्यां जा रयो,

Uth Jag Tharo Jivan Sun Hi Bityan Ja Rayo,

उमराव थांरो पचरंग पेचो भीजै

Record no.2801

उठ जाग थारो जीवन सूं ही बीत्यां जा रयो, — Lyrics

उठ जाग थारो जीवन सूं ही बीत्यां जा रयो, बड़भाग! अब तो देख मौत रो रेळो आ रयो। उठ जाग ज्या तूं बड़भाग।।

१. कळा न जाणी जीण री, तो जीणो बेकार। मिनख बण्यां स्यूं कै हुयो? जो पशु सो व्यवहार। संसार सारो सदाचार स्यूं शोभा पा रयो।।

२. फळै गुणां री बेलड़ी, बो ही करजे काम। काटी अवगुण री जड़ां, मन री कसी लगाम। गुणधाम रो जस च्यारूं ही कूंटां में छा रयो।।

३. कर सगळां स्यूं मित्रता, वैर-भाव दे छोड़। च्यार दिनां रो जीवणो, लगा न कोई खोड़। बेजोड़ जीवन ही दुनिया रै मन में भा रयो।।

४. निंदा-विकथा स्यूं सदा, दूर रहीजे भ्रात। ओछो बणकर मत करी, पर की ओछी बात। दिन-रात ऊंचेपण रा गुण सारो जग गा रयो।।

५. चाली ऊंचो लक्ष्य ले, रही निरन्तर नेक। 'बुद्ध' निभाजे सांतरी, सदा साच री टेक। बस एक भलपण में ही सार समूचो मा रयो।।

uth jag tharo jivan sun hi bityan ja rayo, badbhag! ab to dekh maut ro relo a rayo. uth jag jya tun badbhag..

1. kala n jani jin ri, to jino bekar. minakh banyan syun kai huyo? jo pashu so vyavhar. sansar saro sadachar syun shobha pa rayo..

2. phalai gunan ri beldi, bo hi karje kam. kati avagun ri jadan, man ri kasi lagam. gundham ro jas chyarun hi kuntan men chha rayo..

3. kar saglan syun mitrata, vair-bhav de chhod. chyar dinan ro jivno, laga n koi khod. bejod jivan hi duniya rai man men bha rayo..

4. ninda-viktha syun sada, dur rahije bhrat. ochho banakar mat kari, par ki ochhi bat. din-rat unchepan ra gun saro jag ga rayo..

5. chali uncho lakshya le, rahi nirantar nek. 'buddha' nibhaje santri, sada sach ri tek. bas ek bhalapan men hi sar samucho ma rayo..