हो बल्लू-सुत वालहा वारु वीर-शासनविकसायो हो राज।
Ho Ballu-Sut Valha Varu Vir-Shasanvikasayo Ho Raj.
936
हो बल्लू-सुत वालहा वारु वीर-शासनविकसायो हो राज। — Lyrics
हो बल्लू-सुत वालहा वारु वीर-शासनविकसायो हो राज।
१. भारत वर गगनांगणे जिनदर्शन पूर्व-प्रदेशे हो राज।। वीरासन-उदयाचले दीपांगजन्द्यणि सुवेशे हो राज।
२. श्रमण संघ स्थिर थापवा विभु अद्भुत युक्ति लगाई हो राज।। विध-विध मर्यादा करी सुणो सयण वयण सुखदाई हो राज।।
३. प्रथम बत्तीसे महामुनि तिम चरम परम गुणसट्ठे हो राज। धापी महताडंबरे शिष भारिमाल निज पटूटे हो राज।।
४. सयल श्रमण-श्रमणी मुदा भारिमाल आण आराधो हो राज। तन मन गुरु चरणन विषे झोंकी सुर शिवपद साधो हो राज।।
५. भारिमाल आणा थकी रहो शेषकाल चउमासे हो राज। शिष-शिषणी करणा तिके भारिमाल नाम सुविमासे हो राज।।
६. दीक्षा देई सूंपणां गुरु-चरणां ममत निवारी हो राज। ममता स्यूं बहु जीवड़ा गया नरके नर-भव हारी हो राज।।
७. भेषधारयां रा एहवा कांइ चाछा चरित निहास्था हो राज। विकलां ने विक्कलपणै कांइ मूंडी शिष्य बधारया हो राज।।
८. पाछै मांहोमां लड़ै बहु कर-कर फाड़ा-तोड़ी हो राज। इक-इक रा अवगुण लवै बलि मांडे भागा-दोड़ी हो राज।।
९. ते माटे सुध साधुता साधेवा शुभ मर्यादा हो राज। गुरु-आणा आराधतां न हुवै कोइ जात री बाधा हो राज।।
१०. मुनि अज्जा पिण इम कह्यो भारिमल्ल नाम शिष्यकरणा हो राज। अवरां शिष करवा तणां सिध साख त्याग अनुसरणा हो राज।।
११. भारिमाल दीक्षा दिये तो योग्यायोग्य विचारी हो राज। पाछै कोय अयोग्य ह्लै तसु करणो पृथक तिवारी हो राज।।
१२. हमणा जिम आचार छै तिण रीते चोखो पाठो हो राज। जो दूषण री भ्यासना गुरु आगल शंका टलो हो राज।।
१३. भारिमाल इच्छा थकी गुरु-भ्रात स्थात चेला नै हो राज। भार भुलावै गण तणो तस आण कवण नहिं मानै हो राज।।
१४. अशुभ कर्म उदये कदा इक बे त्रिण गण बहि: थावै हो राज। धूर्ताई मायी करै बकध्यायी नयात लजाबै हो राज।।
१५. तिण नै साध न सरधणो चिहुं तीरथ में नहिं गणवो हो राज। निंदक संघ समस्त रो तसु वांदे ते अवगणवो हो राज।।
१६. पुनरपि संयम स्वीकारै अन्य मुनि नै अमुनि जणावा हो राज। तो पिण श्रमण न सरधवो व्यवहार जीत अपणावां हो राज।।
१७. छेड़वियां बो आळ दै उण री इक बात म मानो हो राज। अमित भ्रमण आरे कियो बच्यो केवल बाकी बानो हो राज।।
१८. गण बाहिर जाहिर थई अवगुण बोलण पचखाणो हो राज। विटल सूंस भांगे कदा हलुकर्मी न्याय पिछाणो हो राज।।
१९. सूत्र कल्प श्रद्धा बली आचार बोल सुध रीति हो राज। समझ पड़े नहिं तो करो बुद्धिवंत संत परतीति हो राज।।
२०. जो हृदयंगम नां हुवे अरिहंत वदे सोहि साचो हो राज। खंच अंश करणी नहीं भिक्षु-वचनां मन राचो हो राज।।
२१. गण बाहिर अशुभोदये हुयां श्रद्धा-खेत्र मम्मारा हो राज। एक निशा उपरांत हो रहिवा रा त्याग उचारे हो राज।।
२२. जो रहिये कारण थकी पंच विगय सूंखडी त्यागी हो राज। गुरु-मर्याद आराधियां हुवै मोक्ष मार्ग रो भागी हो राज।।
२३. पुस्तक पानां आदि दे उपकरण संग। लहिये हो राज। च्यार वस्तु उपरांत ही सहु समुदय-निश्चित कहिये हो राज।।
२४. कोयक प्रश्न करै इसो क्यूं खेतर-त्याग कराया हो राज। तेहनै उत्तर आपवो इम पूज्य हुकम फरमाया हो राज।।
२५. द्वेष कलेश कदागरों बधतो, उपकार घटंतो हो राज। जाणी, सूंस कराविया, जिन-शासन-मुकुट महंतो हो राज।।
२६. 'लिखतु ऋषि भिक्खन' लिख्यो अट्ठारै गुणसठ वर्षे हो राज। वार शनैश्चर सप्तमी सित पक्ष तपा हद हर्षे हो राज।।
२७. इम नियमित रचना करी जिन-वचनां प्रभु प्रतिभालू हो राज। अस्त करी अस्तांगति जय-जय दैपेय दयालू हो राज।।
२८. पाछे भी एकेक स्यूं हुआ जब्बर जिन-मत-झालू हो राज। भारमलल नृप जय मधघव माणिक डालम ,श्री कालू हो राज।।
२९. उगणीस सत्ताणुवै मर्यादमहोच्छव मेढठछा हो राज। चिहुं-तीरथसमुदित करै गण नंदन-वन री केछा हो राज।।
३०. इक शत तंयासी मुनि श्रमणी खमणी मनभाई हो राज। साठ तीन सौ ऊपरे हद ठाट लाडणूं मांही हो राज।।
Roman Transliteration
ho ballu-sut valha varu vir-shasanvikasayo ho raj.
1. bharat var gagnangane jinadarshan purva-pradeshe ho raj.. virasan-udayachle dipangajandyani suveshe ho raj.
2. shraman Sangh sthir thapva vibhu adbhut yukti lagai ho raj.. vidh-vidh maryada kari suno sayan vayan sukhdai ho raj..
3. pratham battise mahamuni tim charam param gunasatthe ho raj. dhapi mahtadambare shish bharimal nij patute ho raj..
4. sayal shraman-shramni muda bharimal an aradho ho raj. tan man Guru charanan vishe jhonki sur shivapad sadho ho raj..
5. bharimal ana thaki raho sheshkal chaumase ho raj. shish-shishni karna tike bharimal nam suvimase ho raj..
6. diksha dei sumpnan Guru-charnan mamat nivari ho raj. mamta syun bahu jivda gaya narke nar-bhav hari ho raj..
7. bheshdharayan ra ehava kani chachha charit nihastha ho raj. viklan ne vikkalapnai kani mundi shishya badharya ho raj..
8. pachhai manhoman ladai bahu kar-kar phada-todi ho raj. ik-ik ra avagun lavai bali mande bhaga-dodi ho raj..
9. te mate sudh sadhuta sadheva shubh maryada ho raj. Guru-ana aradhtan n huvai koi jat ri badha ho raj..
10. Muni ajja pin im kahyo bharimalla nam shishyakarna ho raj. avaran shish karva tanan sidh sakh tyag anusarna ho raj..
11. bharimal diksha diye to yogyayogya vichari ho raj. pachhai koy ayogya hlai tasu karno prithak tivari ho raj..
12. hamna jim achar chhai tin rite chokho patho ho raj. jo dushan ri bhyasna Guru agal shanka talo ho raj..
13. bharimal ichchha thaki Guru-bhrat sthat chela nai ho raj. bhar bhulavai gan tano tas an kavan nahin manai ho raj..
14. ashubh Karm udaye kada ik be trin gan bahi: thavai ho raj. dhurtai mayi karai bakadhyayi nayat lajabai ho raj..
15. tin nai sadh n saradhno chihun tirath men nahin ganvo ho raj. nindak Sangh samasta ro tasu vande te avaganvo ho raj..
16. punarpi sanyam svikarai anya Muni nai amuni janava ho raj. to pin shraman n saradhvo vyavhar jit apanavan ho raj..
17. chhedviyan bo al dai un ri ik bat m mano ho raj. amit bhraman are kiyo bachyo keval baki bano ho raj..
18. gan bahir jahir thai avagun bolan pachkhano ho raj. vital suns bhange kada halukarmi nyay pichhano ho raj..
19. sutra kalpa shraddha bali achar bol sudh riti ho raj. samajh pade nahin to karo buddhivant sant partiti ho raj..
20. jo hridayangam nan huve Arihant vade sohi sacho ho raj. khanch ansh karni nahin Bhikshu-vachnan man racho ho raj..
21. gan bahir ashubhodye huyan shraddha-khetra mammara ho raj. ek nisha uparant ho rahiva ra tyag uchare ho raj..
22. jo rahiye karan thaki panch vigay sunkhdi tyagi ho raj. Guru-maryad aradhiyan huvai Moksha marga ro bhagi ho raj..
23. pustak panan adi de upakaran sang. lahiye ho raj. chyar vastu uparant hi sahu samuday-nishchit kahiye ho raj..
24. koyak prashna karai iso kyun khetar-tyag karaya ho raj. tehnai uttar apavo im pujya hukam pharmaya ho raj..
25. dvesh kalesh kadagron badhto, upakar ghatnto ho raj. jani, suns karaviya, Jin-shasan-mukut mahnto ho raj..
26. 'likhtu rishi bhikkhan' likhyo attharai gunasath varshe ho raj. var shanaishchar saptami sit paksha tapa had harshe ho raj..
27. im niymit rachna kari Jin-vachnan Prabhu pratibhalu ho raj. asta kari astangti jay-jay daipey dayalu ho raj..
28. pachhe bhi ekek syun hua jabbar Jin-mat-jhalu ho raj. bharamalal nrip jay madhaghav manik dalam ,shri Kalu ho raj..
29. uganis sattanuvai maryadamhochchhav medhathchha ho raj. chihun-tirathasmudit karai gan nandan-van ri kechha ho raj..
30. ik shat tanyasi Muni shramni khamni manbhai ho raj. sath tin sau upare had that ladnun manhi ho raj..