ज्यांरी मूरत है मनहारी, जन-जन जावै बलिहारी,
Jyanri Murat Hai Manhari, Jan-Jan Javai Balihari,
1191
ज्यांरी मूरत है मनहारी, जन-जन जावै बलिहारी, — Lyrics
ज्यांरी मूरत है मनहारी, जन-जन जावै बलिहारी, नमूं श्री महाश्रमण नै, परमगुरु महाश्रमण नै।।
मोहन नाम मोहता सबने, सात्त्विक हा संस्कार, संतां रो संयोग मिल्यो शुभ, जुड्यो धर्मस्यूं तार, संयम री मन में धारी, संकल्प लियो थे भारी, नमूं.....।।1।।
ज्ञान-ध्यान में रमता पायो सुगुरु कृपा रो योग, जागरूक रहकर नित करता क्षण-क्षण रो उपयोग, पूरव पुण्यायी भारी, कीरत गण में विस्तारी, नमूं.....।।2।।
विनय-विवेक गुणां स्यूं शोभै जीवन रो उद्यान, अनुकम्पा री जगा चेतना करै जगत् कल्याण, थे महातपसी उपकारी, रहसी जन-जन आभारी, नमू.....।।3।।
तीर्थंकर रा प्रतिनिधि साचा महिमा रो नहीं पार, भैक्षव शासन रा अधिनेता, श्रद्धा रा आधार, थे 'विजय' संत अवतारी, गौरव गावै नर-नारी, नमूं.....।।4।।
Roman Transliteration
jyanri murat hai manhari, jan-jan javai balihari, namun shri Mahashraman nai, paramguru Mahashraman nai..
mohan nam mohta sabne, sattvik ha sanskar, santan ro sanyog milyo shubh, judyo dharmasyun tar, sanyam ri man men dhari, sankalpa liyo the bhari, namun.......1..
jnan-dhyan men ramta payo suguru kripa ro yog, jagruk rahakar nit karta kshan-kshan ro upayog, purav punyayi bhari, kirat gan men vistari, namun.......2..
vinay-vivek gunan syun shobhai jivan ro udyan, anukampa ri jaga chetna karai jagat kalyan, the mahatapsi upakari, rahsi jan-jan abhari, namu.......3..
Tirthankar ra pratinidhi sacha mahima ro nahin par, bhaikshav shasan ra adhineta, shraddha ra adhar, the 'vijay' sant avatari, gaurav gavai nar-nari, namun.......4..