कद बो शुभ दिन आसी रे, बणस्यूं शिवपदवासी रे,
Kad Bo Shubh Din Asi Re, Banasyun Shivapadvasi Re,
1258
कद बो शुभ दिन आसी रे, बणस्यूं शिवपदवासी रे, — Lyrics
कद बो शुभ दिन आसी रे, बणस्यूं शिवपदवासी रे, हरदम मन में ध्याऊं रे, ओ, आ ही भावना भाऊं रे।।
ओ ऽऽ कर्मा री जंजीरां स्यूं आ आतमा बंधी है, होसी धन्य घड़ी जद टूटे जन्म-मरण री फांसी रे, बणस्यूं...।।1।।
ओ ऽऽ बादलां री ओट में ओ भानूड़ो छिप्यो है, चालै ज्ञान पवन ज्यूं प्रकटै चेतन दिव्यप्रकाशी रे, बणस्यूं...।।2।।
ओ ऽऽ बाहर रा रस-रूप-गंध में इन्द्रियां औ दौड़े, झांक भीतर री पावण म्हारो मनड़ो अभिलाषी रे, बणस्यूं...।।3।।
ओ ऽऽ सहज समाधि रहसी म्हारै मन में निरन्तर, चिन्मय परमात्मा स्यूं तार कद म्हारो जुड़ ज्यासी रे, बणस्यूं...।।4।।
ओ ऽऽ 'विजय' विमल स्वरूप असली अपणो मैं निहारूं, झटपट जीवन में म्हांरै आवे बा पूरणमासी रे, बणस्यूं...।।5।।
Roman Transliteration
kad bo shubh din asi re, banasyun shivapadvasi re, haradam man men dhyaun re, o, a hi bhavna bhaun re..
o karma ri janjiran syun a atama bandhi hai, hosi dhanya ghadi jad tute janma-maran ri phansi re, banasyun.....1..
o badlan ri ot men o bhanudo chhipyo hai, chalai jnan pavan jyun praktai chetan divyaprakashi re, banasyun.....2..
o bahar ra ras-rup-gandh men indriyan au daude, jhank bhitar ri pavan mharo mando abhilashi re, banasyun.....3..
o sahaj samadhi rahsi mharai man men nirantar, chinmay parmatma syun tar kad mharo jud jyasi re, banasyun.....4..
o 'vijay' vimal svarup asali apano main niharun, jhatapat jivan men mhanrai ave ba puranmasi re, banasyun.....5..