कंटालिय जन्मोत्सव साझ, सुधरी में की सिंहोगाज,
Kantaliy Janmotsav Sajh, Sudhri Men Ki Sinhogaj,
1296
कंटालिय जन्मोत्सव साझ, सुधरी में की सिंहोगाज, — Lyrics
कंटालिय जन्मोत्सव साझ, सुधरी में की सिंहोगाज, सिरियारी में परम समाधि, शासनताज म्हारा स्वामीजी, भव-पाज म्हारा स्वामीजी, निर्व्याज म्हारा स्वामीजी, याद घणां आवो रा, भूलया ही कणां जावो रा
१. सतरै सौ तंयासी साल, बल्लू दीपां है खुशहाल, खेलै आंगणियै में एक छोटो बाल म्हारा स्वामीजी, सुकुमाल म्हारा स्वामीजी
२. आठै धार्यो है संन्यास, काटण जनम-मरण रा पाश, आगम-मंथन स्यूं निखर्यो है नयो प्रकाश म्हारा स्वामीजी, विश्वास म्हारा स्वामीजी
३. करी सत्य री गहरी शोध, फली धर्म री अभिनव पौध, पायो राजनगर में साचेलो प्रतिबोध म्हारा स्वामीजी, सम्बोध म्हारा स्वामीजी।।
४. बगड़ी छतरी रो धुरवास, अद्भुत अजब गजब इतिहास, आयो पतझड़ में मधुमास सहज सुवास म्हारा स्वामीजी, स्याबाश म्हारा स्वामीजी
५. देखी दिलगीरी आक्रोश, रघुराजा रो उभस्यों रोष, राख्यो समतुल निश्चल निश्छल हर पल होश म्हारा स्वामीजी, खामोश म्हारा स्वामीजी।।
६. बोलो जास्यो कितियक दूर, लारै लोग लगास्यूं पूर, आगो थारो पीछो गहारो, है मंजूर म्हारा स्वामीजी, कोहिनूर म्हारा स्वामीजी।।
७. हुई केलवै में थिर थाप, बढ्यो मनोवल अतुल अमाप, बणग्यो पंथ तेरापंथ अपणै आप म्हारा स्वामीजी, चुपचाप म्हारा स्वामीजी।।
८. सदा जगाई जिनमत जोत, फेल्यो नयो धर्म उद्योत, खुलग्यो ज्ञान ध्यान रो नव-आयामी स्रोत म्हारा स्वामीजी, कलधीत म्हारा स्वामीजी।।
९. आचारी सूं राख्यो हेत, सह्या कष्ट सब शान्त सचेत, हाटां सिरियारी री करै स्पष्ट संकेत म्हारा स्वामीजी, तप-तेज दिखावै तपस्विनी री रेत म्हारा स्वामीजी, गौरव गावै धर्मगिरी सनन्मुख समवेत महारा स्वामीजी, अनिकेत महारा स्वामीजी।।
१०. शिथिलाई पर कड़ा प्रहार, करता बणकर बेदरकार, कानां री खिड़क्यां खुल ज्यावै सुण उद्गार रहारा स्वामीजी, धुंकार म्हारा स्वामीजी।।
११. तेरापथ री के पहचान? एक गुरू अरु एक विधान, तेरापथ री के पहचान? धर्म अहिंसा त्याग प्रधान, सारी दुनियां में है ओ अनुपम अवदानग्हारा स्वामीजी, विज्ञान गहारा स्वामीजी
१२. सदी उजाली कर निर्माण, सुविधावाद बण्यो निष्प्राण, देख्या कलयुग में भी सतयुग रा अहलाण म्हारा स्वामीजी, गीर्वाण म्हारा स्वामीजी।।
१३. संघ चतुष्टय ओ सुविनीत, उजलो इण रो रह्यो अतीत वर्तमान प्रत्यक्ष प्रतीत, भावी स्वस्थ कल्पनातीत, 'तुलसी' जीवन रो कण-कण है परम पुनीत म्हारा निर्णीत म्हारा स्वामीजी।।
Roman Transliteration
kantaliy janmotsav sajh, sudhri men ki sinhogaj, siriyari men param samadhi, shasantaj mhara svamiji, bhav-paj mhara svamiji, nirvyaj mhara svamiji, yad ghanan avo ra, bhulya hi kanan javo ra
1. satrai sau tanyasi sal, ballu dipan hai khushhal, khelai anganiyai men ek chhoto bal mhara svamiji, sukumal mhara svamiji
2. athai dharyo hai sannyas, katan janam-maran ra pash, agam-manthan syun nikharyo hai nayo prakash mhara svamiji, vishvas mhara svamiji
3. kari satya ri gahri shodh, phali Dharm ri abhinav paudh, payo rajanagar men sachelo pratibodh mhara svamiji, sambodh mhara svamiji..
4. bagdi chhatri ro dhurvas, adbhut ajab gajab itihas, ayo patajhad men madhumas sahaj suvas mhara svamiji, syabash mhara svamiji
5. dekhi dilgiri akrosh, raghuraja ro ubhasyon rosh, rakhyo samtul nishchal nishchhal har pal hosh mhara svamiji, khamosh mhara svamiji..
6. bolo jasyo kitiyak dur, larai log lagasyun pur, ago tharo pichho gaharo, hai manjur mhara svamiji, kohinur mhara svamiji..
7. hui kelvai men thir thap, badhyo manoval atul amap, banagyo panth Terapanth apanai ap mhara svamiji, chupchap mhara svamiji..
8. sada jagai jinamat jot, phelyo nayo Dharm udyot, khulagyo jnan dhyan ro nav-ayami srot mhara svamiji, kaldhit mhara svamiji..
9. achari sun rakhyo het, sahya kashta sab shanta sachet, hatan siriyari ri karai spashta sanket mhara svamiji, tap-tej dikhavai tapasvini ri ret mhara svamiji, gaurav gavai dharmagiri sananmukh samvet mahara svamiji, aniket mahara svamiji..
10. shithilai par kada prahar, karta banakar bedarkar, kanan ri khidakyan khul jyavai sun udgar rahara svamiji, dhunkar mhara svamiji..
11. terapath ri ke pahchan? ek guru aru ek vidhan, terapath ri ke pahchan? Dharm Ahimsa tyag pradhan, sari duniyan men hai o anupam avadanaghara svamiji, vijnan gahara svamiji
12. sadi ujali kar nirman, suvidhavad banyo nishpran, dekhya kalyug men bhi satyug ra ahalan mhara svamiji, girvan mhara svamiji..
13. Sangh chatushtay o suvinit, ujalo in ro rahyo atit vartaman pratyaksha pratit, bhavi svastha kalpanatit, 'Tulsi' jivan ro kan-kan hai param punit mhara nirnit mhara svamiji..