कोई सुखी है
Koi Sukhi Hai
1303
कोई सुखी है — Lyrics
कोई सुखी है कोई सुखी है कोई दुखी है है सुख दुख कर्माधीन।। चेतो मानवी।। एक साथ दो बेटा जनम्या दोन्यां री करणी न्यारी एक बण्यो नगरी रो राजा दूजो बण्यो भिखारी एक हंसै है, एक रोवै है, ओ तो कर्मां रो है सीन।।
इक डाली पर फूल खिल्या दो कर्मा री गति न्यारी एक चढ़ै प्रभु री प्रतिमा पर कुचलीजै दूजो भारी बांध्या कर्म है भोगणा, चाहे जावो लंदन चीन।।
एक गाय रे दो बाछड़िया दोन्यां री अलग कहानी एक पूजीजै शिव मंदिर में दूजो चलावै घाणी करणी आपो आप री, थे सोचो बण परवीण।।
एक सीप दो मोती निपज्या दोन्यां रो भेद निहारो एक मस्तक री शोभा बढ़ावै दूजो पिसीजै विचारों हंस हंस कर्म न बांधज्यो थे बणज्यो धर्म में लीन।।
Roman Transliteration
koi sukhi hai koi sukhi hai koi dukhi hai hai sukh dukh karmadhin.. cheto manvi.. ek sath do beta janamya donyan ri karni nyari ek banyo nagri ro raja dujo banyo bhikhari ek hansai hai, ek rovai hai, o to karman ro hai sin..
ik dali par phul khilya do karma ri gati nyari ek chadhai Prabhu ri pratima par kuchlijai dujo bhari bandhya Karm hai bhogna, chahe javo landan chin..
ek gay re do bachhdiya donyan ri alag kahani ek pujijai shiv mandir men dujo chalavai ghani karni apo ap ri, the socho ban parvin..
ek sip do moti nipajya donyan ro bhed niharo ek mastak ri shobha badhavai dujo pisijai vicharon hans hans Karm n bandhajyo the banajyo Dharm men lin..