तुलसी तुलसी समरल्यो तुलसी हिवड़े री कोर
Tulsi Tulsi Samaralyo Tulsi Hivde Ri Kor
2724
तुलसी तुलसी समरल्यो तुलसी हिवड़े री कोर — Lyrics
तुलसी तुलसी समरल्यो तुलसी हिवड़े री कोर सौ सौ वन्दना ।।
रतन धारिणी मां वदना सुत झूमर कुल उजियारो प्रबल पोरसो पुण्याई रो है प्राणां स्यूं प्यारो फूल पांखुड्यां खिल उठी पा तुलसी का सिरमोर ।।
अणुव्रत प्रेक्षा री ज्योति स्यूं हर घट ज्योति जगाई आगम री कर नव विवेचना फैलाई इण किरणां स्यूं ही मिटे अन्तर अंधारो घोर ।।
थारै शरण में बरतीज्यो हरदम चोथो आरो लाखां आंख्यां में बसग्यो है थांरो वो उणियारो इस्यै सारथी हाथ में शासण रथ री वा डोर ।।
नवमें पटधर श्री तुलसी नै तन-मन प्राण चढ़ावां सरधा अरपण कर भगति स्यूं हरख-हरख विरुदावां कीरत फूलां री महक आ फैली च्यारूं और ।।
जुग-जुग तांई इण शासण कीन्ही थे रखवाली घण भागां स्यूं गण नै मिलग्या आप जिस्या गणमाली ‘मोहजीत’ तुलसी सुमर जागैला भाग सजोर ।।
Roman Transliteration
Tulsi Tulsi samaralyo Tulsi hivde ri kor sau sau vandana ..
ratan dharini man vadna sut jhumar kul ujiyaro prabal porso punyai ro hai pranan syun pyaro phul pankhudyan khil uthi pa Tulsi ka sirmor ..
Anuvrat Preksha ri jyoti syun har ghat jyoti jagai agam ri kar nav vivechna phailai in kirnan syun hi mite antar andharo ghor ..
tharai sharan men bartijyo haradam chotho aro lakhan ankhyan men basagyo hai thanro vo uniyaro isyai sarthi hath men shasan rath ri va dor ..
navmen patadhar shri Tulsi nai tan-man pran chadhavan sardha arapan kar bhagti syun harakh-harakh virudavan kirat phulan ri mahak a phaili chyarun aur ..
jug-jug tani in shasan kinhi the rakhvali ghan bhagan syun gan nai milagya ap jisya ganmali ‘mohjit’ Tulsi sumar jagaila bhag sajor ..