देखो केह्डो है संसार

लखकर दुनिया रो व्यवहार, म्हानै इचरज आवै जी,

Lakhakar Duniya Ro Vyavhar, Mhanai Icharaj Avai Ji,

देखो केह्डो है संसार

Record no.1394

लखकर दुनिया रो व्यवहार, म्हानै इचरज आवै जी, — Lyrics

लखकर दुनिया रो व्यवहार, म्हानै इचरज आवै जी, कृत्रिमता रो है नहीं पार, सच्चाई कम पावै जी।।

इक पल में हो ज्यावै राजी, दूजे पल नाराज, झूठे प्रेम रो अभिनय लोगां में खूब दिखावै जी।।

दूजा रै गुणां में तो अवगुण लेवै नर ढूंढ, अपणै मुंह स्यूं अपणी गौरव गाथा खूब सुणावै जी।।

अपणै मतलब स्यूं तो पूछे दिन में सो सो बार, आंच पड्या स्वार्थ मैं घर का ही बैरी बण ज्यावै जी।।

एक रै खातिर तो सब सुविधावां है तैयार, दूसरै री आवश्यकता पर नहीं नजर उठावै जी।।

छोटी सी गलती औरां री मानो बणै पहाड़, अपणायत वाले री मोटी भी झट माफ करावै जी।।

अपणै और पराये रो मन में ज्यांरै नहीं भेद, 'विजय'! जगत में बै ही मिनख स्वयं री आब बढ़ावै जी।।

lakhakar duniya ro vyavhar, mhanai icharaj avai ji, kritrimta ro hai nahin par, sachchai kam pavai ji..

ik pal men ho jyavai raji, duje pal naraj, jhuthe prem ro abhinay logan men khub dikhavai ji..

duja rai gunan men to avagun levai nar dhundh, apanai munh syun apani gaurav gatha khub sunavai ji..

apanai matalab syun to puchhe din men so so bar, anch padya svartha main ghar ka hi bairi ban jyavai ji..

ek rai khatir to sab suvidhavan hai taiyar, dusrai ri avashyakta par nahin najar uthavai ji..

chhoti si galti auran ri mano banai pahad, apanayat vale ri moti bhi jhat maph karavai ji..

apanai aur paraye ro man men jyanrai nahin bhed, 'vijay'! jagat men bai hi minakh svayam ri ab badhavai ji..