म्हारै श्रद्धा रा आधार जी,
Mharai Shraddha Ra Adhar Ji,
1541
म्हारै श्रद्धा रा आधार जी, — Lyrics
म्हारै श्रद्धा रा आधार जी, म्हारी सुणल्यो नाथ! पुकारजी।।
काल अनन्तो बीत्यो यूं ही पतो न पायो थांरो, भवसागर में भटक रयो हूं, है नहीं निकट किनारो, एक बार बा झलक दिखाद्यो, हो ज्यावै उद्धार जी।।
घोर तिमिर में एक आपरो ही जग में उजियारो, दु:ख री घड़ियां में थांरो ही साचो एक सहारो, लाखां ही प्राण्यां पर थांरो, है भारी उपकार जी।।
रात दिवस में सोतां उठतां थांरी मूरत ध्याऊं, भाव भक्ति रा फूल सजाकर चिन्मय दीप जलाऊं, तन मन अर्पण श्री चरणां में, करल्यो प्रभु स्वीकार जी।।
टिम टिम करतो दीप जलै ओ खबर न कद बुझ ज्यावै, सांसां रो रथ चाल रयो है पल भर रुक नहीं पावै, छोड़ो अब तो आंख मिचोणी, दर्शण द्यो साकार जी।।
थांरै बतलायै आदर्शां पर मैं बढ़तो जाऊं, सद्गुण सुमनां स्यूं जीवन रो उपवन 'विजय' सजाऊ, साहस भरद्यो कण कण में थे ओ जीवन सिणगार जी।।
Roman Transliteration
mharai shraddha ra adhar ji, mhari sunalyo nath! pukarji..
kal ananto bityo yun hi pato n payo thanro, bhavsagar men bhatak rayo hun, hai nahin nikat kinaro, ek bar ba jhalak dikhadyo, ho jyavai uddhar ji..
ghor timir men ek aparo hi jag men ujiyaro, du:kh ri ghadiyan men thanro hi sacho ek saharo, lakhan hi pranyan par thanro, hai bhari upakar ji..
rat divas men sotan uthatan thanri murat dhyaun, bhav bhakti ra phul sajakar chinmay dip jalaun, tan man arpan shri charnan men, karalyo Prabhu svikar ji..
tim tim karto dip jalai o khabar n kad bujh jyavai, sansan ro rath chal rayo hai pal bhar ruk nahin pavai, chhodo ab to ankh michoni, darshan dyo sakar ji..
thanrai batlayai adarshan par main badhto jaun, sadgun sumnan syun jivan ro upavan 'vijay' sajau, sahas bharadyo kan kan men the o jivan singar ji..