*म्हारे गुरुवर रो बड़े भ्रात सहसा सुरग सिधायो रे,
*mhare Guruvar Ro Bade Bhrat Sahsa Surag Sidhayo Re,
1545
*म्हारे गुरुवर रो बड़े भ्रात सहसा सुरग सिधायो रे, — Lyrics
*म्हारे गुरुवर रो बड़े भ्रात सहसा सुरग सिधायो रे, सुरग सिधायो, दिल भर आयो, सुणकर ओ संवाद, सुरग सिधायो, वदना जायो, आसी सबनै याद ।।
सगलां रे प्रति मन में रखतो, वत्सलता अनपार, च्यार तीर्थ री श्रद्धा से बो, बणग्यो हो आधार ।।1।।
गुरुवर है तन री रखतो हो हरदम बो संभाल । श्रद्धाकेन्द्र बण्यो जन—जन रो राखी इकसी चाल ।।2।।
गुरुवर रै पोढ्यां बो सोतो, जाग्यां मिलतां त्यार । करवाकर आहार सुगुरु नै करतो आप आहार ।।3।।
गुरुवर रै सारै कामां में देतो हो सहयोग, दुख—सुख री सब बात सुणाकर,हल्का होता लोग ।।4।।
दर्द घणो रहतो घुटनां में,साथ न देतो गात, फिर भी रहतो यात्रावां में, गुरुवर रै नित साथ ।।5।।
सेवाभावीजी रो गण में, अमर बण्यो इतिहास, मुल्क—मुल्क में फैली ज्यारै, यश री मधुर सुवास ।।6।।
सहज सरलता ही वाणी में, झरती मुख मुस्कान, शब्दां में नहीं बांध सकूं मैं, जीवन ‘विजय’ महान् ।।7।।
Roman Transliteration
*mhare guruvar ro bade bhrat sahsa surag sidhayo re, surag sidhayo, dil bhar ayo, sunakar o sanvad, surag sidhayo, vadna jayo, asi sabnai yad ..
saglan re prati man men rakhto, vatsalta anapar, chyar tirtha ri shraddha se bo, banagyo ho adhar ..1..
guruvar hai tan ri rakhto ho haradam bo sambhal . shraddhakendra banyo jan—jan ro rakhi ikasi chal ..2..
guruvar rai podhyan bo soto, jagyan miltan tyar . karvakar ahar suguru nai karto ap ahar ..3..
guruvar rai sarai kaman men deto ho sahyog, dukh—sukh ri sab bat sunakar,halka hota log ..4..
darda ghano rahto ghutnan men,sath n deto gat, phir bhi rahto yatravan men, guruvar rai nit sath ..5..
sevabhaviji ro gan men, amar banyo itihas, mulka—mulka men phaili jyarai, yash ri madhur suvas ..6..
sahaj saralta hi vani men, jharti mukh muskan, shabdan men nahin bandh sakun main, jivan ‘vijay’ mahan ..7..