मिनख जमारो औळो खोवै मतना,
Minakh Jamaro Aulo Khovai Matna,
1595
मिनख जमारो औळो खोवै मतना, — Lyrics
मिनख जमारो औळो खोवै मतना, जागणै री वेळा अब सोवै मतना।।
१. काळ अनंत थारो गयो है सोवण में, हुई ना कमाई, धन रयो खोवण में, चेत अब जनम बिगोवै मतना।
२. गई सो गई रै अब और मत जाण दे, राखले रही सो, अब और न उफाण दे, आम के भरोसै आक बोवै मतना।
३. किंयां तूं नचिंतो होय बैठ्यो है बावळा! तक रया है मौत का औ चील और कांवळा, आंख्यां देख के भी आंधो होवै मतना।
४. टांडो सारो लाद कर जाणो जद पड़ैला, बीं वेळां बहानो बोल कुणसो तूं घड़ैला? अमर होवण पर मुंह धोवै मतना।
५. चालै है करोत 'बुद्ध' दिन और रात की, आउखो कटै है कर चिन्ता इण बात की, पाप वाळो भार और ढोवै मतना।
Roman Transliteration
minakh jamaro aulo khovai matna, jagnai ri vela ab sovai matna..
1. kal anant tharo gayo hai sovan men, hui na kamai, dhan rayo khovan men, chet ab janam bigovai matna.
2. gai so gai rai ab aur mat jan de, rakhle rahi so, ab aur n uphan de, am ke bharosai ak bovai matna.
3. kinyan tun nachinto hoy baithyo hai bavla! tak raya hai maut ka au chil aur kanvla, ankhyan dekh ke bhi andho hovai matna.
4. tando saro lad kar jano jad padaila, bin velan bahano bol kunso tun ghadaila? amar hovan par munh dhovai matna.
5. chalai hai karot 'buddha' din aur rat ki, aukho katai hai kar chinta in bat ki, pap valo bhar aur dhovai matna.