मिल्यो अमोलक मिनख जमारो,
Milyo Amolak Minakh Jamaro,
1593
मिल्यो अमोलक मिनख जमारो, — Lyrics
मिल्यो अमोलक मिनख जमारो, पल-पल सफळ बणालै, अंवळी गति मत हालै।।
१. पाणी रै परपोटै ज्यूं तन, घणो सुहाणो लागै। पिण खिण भर रो खेल बिखरज्या, पलक झपकतां सागै। भरयो खजानो धरयो रहS, संग एक तार नहीं चालै।।
२. थोड़े जीतब खातर तूं बंधाण घणा ही बांधै। पण टूटै जद डोर सांस री, कुण आगै आ सांधै? झूठी ममता छोड़ जगत् री, समता नै अपणा लै।।
३. थां स्यूं बढ़कर ईं धरती पर, घणा हुया अर होसी। किसै बाग री मूळी है तूं, मन नै कर सन्तोषी। सावधान हो देख बावळा! मरणो घेरा घालै।।
४. राख मनोबळ नै नित ऊंचो, विरथा पल मत खोवै। 'बुद्ध' संभळ कर पग आगै धर, बीती नै मत रोवै। करणी आपोआप भोगणी, चेतन नै समझा लै।।
Roman Transliteration
milyo amolak minakh jamaro, pal-pal saphal banalai, anvali gati mat halai..
1. pani rai parpotai jyun tan, ghano suhano lagai. pin khin bhar ro khel bikharajya, palak jhapaktan sagai. bharyo khajano dharyo rahS, sang ek tar nahin chalai..
2. thode jitab khatar tun bandhan ghana hi bandhai. pan tutai jad dor sans ri, kun agai a sandhai? jhuthi mamta chhod jagat ri, samta nai apana lai..
3. than syun badhakar in dharti par, ghana huya ar hosi. kisai bag ri muli hai tun, man nai kar santoshi. savdhan ho dekh bavla! marno ghera ghalai..
4. rakh manobal nai nit uncho, virtha pal mat khovai. 'buddha' sambhal kar pag agai dhar, biti nai mat rovai. karni apoap bhogni, chetan nai samjha lai..