महावीर महावीर बोल भाइड़ा!
Mahavir Mahavir Bol Bhaida!
1578
महावीर महावीर बोल भाइड़ा! — Lyrics
महावीर महावीर बोल भाइड़ा! चेतना रा बन्द ताळा खोल भाइड़ा!
१. राग-रीस में ही सारी जिन्दगी बिताई, वीतराग-भावना तो नैड़ी नहीं आई। न्याय रै तराजू निज नै तोल भाइड़ा!
२. लोक रै प्रवाह सागै बहतो ही जा रयो, घात-प्रतिघात सारा सहतो ही जा रयो। भूलग्यो क्यूं मानखै रो मोल भाइड़ा!
३. वैर स्यूं हुवैला वैर-भाव री बढ़ोतरी, प्रेम स्यूं बहैला प्रेमवाळी गंगोतरी।। त्याग दे विष नै, अमी-रस घोळ भाइड़ा!
४. महावीर नाम जीं री आतमा में रमग्यो, विघ्न बाधावां रो बीं रै खर-खोज गमग्यो। ईं नाम रो आधार अनमोल भाइड़ा!
५. महावीर नाम री अखंड जोत जाग री, हिवड़ै में आ ही लाग रात-दिन लाग री। 'बुद्ध' रो सोभाग है सतोल भाइड़ा!
Roman Transliteration
Mahavir Mahavir bol bhaida! chetna ra banda tala khol bhaida!
1. rag-ris men hi sari jindagi bitai, vitrag-bhavna to naidi nahin ai. nyay rai taraju nij nai tol bhaida!
2. lok rai pravah sagai bahto hi ja rayo, ghat-pratighat sara sahto hi ja rayo. bhulagyo kyun mankhai ro mol bhaida!
3. vair syun huvaila vair-bhav ri badhotri, prem syun bahaila premvali gangotri.. tyag de vish nai, ami-ras ghol bhaida!
4. Mahavir nam jin ri atama men ramagyo, vighna badhavan ro bin rai khar-khoj gamagyo. in nam ro adhar anamol bhaida!
5. Mahavir nam ri akhand jot jag ri, hivdai men a hi lag rat-din lag ri. 'buddha' ro sobhag hai satol bhaida!