मंगलीक सरणां च्यार
Manglik Sarnan Chyar
1649
मंगलीक सरणां च्यार — Lyrics
मंगलीक सरणां च्यार
हिरदै धारीजे, हो भविजन! मंगलीक सरणा च्यार। प्रात उठी नित समरीजे हो भविजन! मंगलीक सरणां च्यार। आपद मिटै सम्पद मिले हो भविजन! दौलत नां दातार।।१।।
अरिहन्त सिद्ध साधु तणां हो भविजन! केवलि-भाषित-धर्म। ए च्यारूं जपतां थकां हो भविजन! टूटै आठूं ही कर्म।।२।।
ए शरणां सुखकारीया हो भविजन! ए शरणां मंगलीक। ए शरणां उत्तम कह्या हो भविजन! ए शरणां तहतीक।।३।।
सुखसाता बरतै घणी हो भविजन! जे ध्यावै नरनार। पर भव जातां जीव नैं हो भविजन! एह तणो आधार।।४।।
डाकण साकण भूतड़ा हो भविजन! सिंह चिता नैं सूर। वैरी दुश्मण चोरटा हो भविजन! रहे सदाई दूर।।५।।
निशि दिन यां नैं ध्यावतां हो भविजन! पामैं परमानन्द। कमी नहीं किण बात री हो भविजन! सेव करै सुरइन्द।।६।।
गेलै घाटै चालंतां हो भविजन! राते दिवस मझार। गांवां नगरां विचरतां हो भविजन! विध्न निवारण हार।।७।।
इण सरिखा सरंणां नहीं हो भविजन! इण सरिखी नहीं नाव। इण-सरिखो मन्त्र नहीं हो भविजन! जपतां बढज्या आब।।८।।
राखो इणरी आसथा हो भविजन! नेडो न आवै रोग। बरतै आणन्द जीव नैं हो भविजन! एह तणै संयोग।।९।।
मन चिंतित बांछा फलै हो भविजन! बरतै कोड कल्याण। शुद्ध मना नित ध्यावतां हो भविजन! निश्चित पद निरवाण।।१०।
संवत अठारह बावन्ने हो भविजन! पाली सेखै काल। रिषी चौथमलजी इम कहै हो भविजन! सुणज्यो बाल गोपाल।।११।।
Roman Transliteration
manglik sarnan chyar
hirdai dharije, ho bhavijan! manglik sarna chyar. prat uthi nit samrije ho bhavijan! manglik sarnan chyar. apad mitai sampad mile ho bhavijan! daulat nan datara..1..
arihanta Siddha sadhu tanan ho bhavijan! kevli-bhashit-dharma. e chyarun japtan thakan ho bhavijan! tutai athun hi karma..2..
e sharnan sukhkariya ho bhavijan! e sharnan manglik. e sharnan uttam kahya ho bhavijan! e sharnan tahtika..3..
sukhsata bartai ghani ho bhavijan! je dhyavai narnar. par bhav jatan jiv nain ho bhavijan! eh tano adhara..4..
dakan sakan bhutda ho bhavijan! sinh chita nain sur. vairi dushman chorta ho bhavijan! rahe sadai dura..5..
nishi din yan nain dhyavtan ho bhavijan! pamain parmananda. kami nahin kin bat ri ho bhavijan! sev karai surainda..6..
gelai ghatai chalntan ho bhavijan! rate divas majhar. ganvan nagran vichartan ho bhavijan! vidhna nivaran hara..7..
in sarikha sarnnan nahin ho bhavijan! in sarikhi nahin nav. in-sarikho mantra nahin ho bhavijan! japtan badhajya aba..8..
rakho inari asatha ho bhavijan! nedo n avai rog. bartai ananda jiv nain ho bhavijan! eh tanai sanyoga..9..
man chintit banchha phalai ho bhavijan! bartai kod kalyan. shuddha mana nit dhyavtan ho bhavijan! nishchit pad nirvana..10.
sanvat atharah bavanne ho bhavijan! pali sekhai kal. rishi chauthamalji im kahai ho bhavijan! sunajyo bal gopala..11..