[२५]
[25]
1775
[२५] — Lyrics
[२५] चेतन! चित्त निरमल बणालै, थारा दुखड़ा सै मिट ज्यासी रे।
एकलो आयो है, पाछो एकलो तू जासी, आपरी करणी रा फल आप ही तू पासी, कुण थारो साथ निभासी म्हारा चेतनियां। मरघट तांई पुगासी रे।।
हाट, हवेल्यां, कारां, बंगला, बगीचा, कीमती फर्नीचर, टी. वी., रेडियो, गलीचा। छोड़ सारा, बणसी प्रवासी, म्हारा चेतनियां। मूढ़! बण्यो क्यूं विलासी रे।।
थांरी-म्हांरी कर-कर डूब्या स्याणा-स्याणा प्राणी, रुचै नहीं शास्त्र, सत-सतियां री वाणी। पुद्गल, सुख अभिलाषी म्हारा चेतनियां। रुलसी लख चौरासी रे।।
स्वारथियो संसार, कोई दु:ख में न अपनो, मायावी संसार में के देखें सोयो सपनो। भावना अनित्यता री भासी म्हारा चेतनियां। 'कनक' अमर बण ज्यासी रे। अविनाशी पद पासी रे।।
Roman Transliteration
[25] chetan! chitta niramal banalai, thara dukhda sai mit jyasi re.
ekalo ayo hai, pachho ekalo tu jasi, apari karni ra phal ap hi tu pasi, kun tharo sath nibhasi mhara chetniyan. maraghat tani pugasi re..
hat, havelyan, karan, bangla, bagicha, kimti pharnichar, ti. vi., rediyo, galicha. chhod sara, bansi pravasi, mhara chetniyan. mudh! banyo kyun vilasi re..
thanri-mhanri kar-kar dubya syana-syana prani, ruchai nahin shastra, sat-satiyan ri vani. pudgal, sukh abhilashi mhara chetniyan. rulsi lakh chaurasi re..
svarthiyo sansar, koi du:kh men n apano, mayavi sansar men ke dekhen soyo sapno. bhavna anityata ri bhasi mhara chetniyan. 'kanak' amar ban jyasi re. avinashi pad pasi re..