[९५]
[95]
1850
[९५] — Lyrics
[९५] सावणियो ओ रिमझिम बरसै ओ रिमझिम बरसै, कोई तप रो लागै रंग देखो। जिनवाणी सुख भविजन हरसै हो भविजन हरसै, कोई तप रो लागै रंग देखो।।
बारी रा उपवास और एकान्तर आराधना, बेला, तेला, चोला और पंचोला री साधना। फूल खिलैला सतरंगा, उपवन में।।
तपस्या री गंगा में नहा ऊजका बण ज्यावो हो, अठायां स्यूं आठ कर्मा री कोड खपावो हो। तेज अनोखा निखरैला, कण-कण में।।
धन्ना, शालिभद्र रो इतिहास कुण दुहरासी? तपसी संत सतियां रै जीवन स्यूं प्रेरणा पासी। कूद पड़े जो साहस स्यूं तप-रण में।।
अमृत, कोदर, रामसुख, शिवजी, भीमजी स्वामी, एक-एक स्यूं बढ़कर तेरापंथ में तपसी नामी। याद कर्यां बल जागै है, तन मन में।।
घोर तपस्वी सुख मुनि रो जीवंत वो इतिहास है, लम्बा-लम्बा संथारा रो फैल्यो खूब प्रकाश है। अणचां, पन्नां री महिमा, जन-जन में।।
महातपस्वी संत-सत्यां ईं गण री नीवां सींची है श्रावक और श्राविकावां नई लकीरां खींची है। 'कनक' मौज प्रभु तुलसी रे, उपवन में।।
Roman Transliteration
[95] savniyo o rimjhim barsai o rimjhim barsai, koi tap ro lagai rang dekho. jinvani sukh bhavijan harsai ho bhavijan harsai, koi tap ro lagai rang dekho..
bari ra upavas aur ekantar aradhna, bela, tela, chola aur panchola ri sadhna. phul khilaila satarnga, upavan men..
tapasya ri ganga men naha ujaka ban jyavo ho, athayan syun ath karma ri kod khapavo ho. tej anokha nikhraila, kan-kan men..
dhanna, shalibhadra ro itihas kun duhrasi? tapsi sant satiyan rai jivan syun prerna pasi. kud pade jo sahas syun tap-ran men..
amrit, kodar, ramsukh, shivji, bhimji Swami, ek-ek syun badhakar Terapanth men tapsi nami. yad karyan bal jagai hai, tan man men..
ghor tapasvi sukh Muni ro jivant vo itihas hai, lamba-lamba santhara ro phailyo khub prakash hai. anachan, pannan ri mahima, jan-jan men..
mahatapasvi sant-satyan in gan ri nivan sinchi hai shravak aur shravikavan nai lakiran khinchi hai. 'kanak' mauj Prabhu Tulsi re, upavan men..