नेमां रो दुलारो, म्हारै मन में बसै,
Neman Ro Dularo, Mharai Man Men Basai,
1880
नेमां रो दुलारो, म्हारै मन में बसै, — Lyrics
नेमां रो दुलारो, म्हारै मन में बसै, मन में बसै, कण-कण हुलसै, नाम लियां ज्यांरो, घट दीवलो चसै, दीवलो चसै, कण-कण हुलसै, ओ आस्था रो आधार है, ओ त्रिभुवन तारणहार है।।
भाग्यवान् थे पायो संयम पंथ, तुलसी रे शासन में बणग्या संत, आगम पढ्या, हरदम बढ्या, थे भर्यो ज्ञान भण्डार है, ओ त्रिभुवन तारणहार है।।1।।
एक-एक क्षण रो करता उपयोग, साध्यो तन-मन करके नया प्रयोग, आस्था फली, मंजिल मिली, काढ्यो शास्त्रां रो सार है, ओ त्रिभुवन तारणहार है।।2।।
समय नियोजन गुरुवर रो बेजोड़, कोई भी नहीं कर पावै है होड़, श्रमशील है, नहीं ढील है, सब स्यूं जुडग्यो ज्यूं तार है, ओ त्रिभुवन तारणहार है।।3।।
स्वस्थ रहो थे ओ गण रा ऋतुराज!, 'विजय' वरो थे पग-पग पर गणताज!, करुणा करो, सिर कर धरो, ओ त्रिभुवन तारणहार है।।4।।
Roman Transliteration
neman ro dularo, mharai man men basai, man men basai, kan-kan hulsai, nam liyan jyanro, ghat divlo chasai, divlo chasai, kan-kan hulsai, o astha ro adhar hai, o tribhuvan taranhar hai..
bhagyavan the payo sanyam panth, Tulsi re shasan men banagya sant, agam padhya, haradam badhya, the bharyo jnan bhandar hai, o tribhuvan taranhar hai..1..
ek-ek kshan ro karta upayog, sadhyo tan-man karke naya prayog, astha phali, manjil mili, kadhyo shastran ro sar hai, o tribhuvan taranhar hai..2..
samay niyojan guruvar ro bejod, koi bhi nahin kar pavai hai hod, shramshil hai, nahin dhil hai, sab syun judagyo jyun tar hai, o tribhuvan taranhar hai..3..
svastha raho the o gan ra rituraj!, 'vijay' varo the pag-pag par gantaj!, karuna karo, sir kar dharo, o tribhuvan taranhar hai..4..