प्रभु जी! सरणै करो नी म्हारी साधना, साधना,
Prabhu Ji! Sarnai Karo Ni Mhari Sadhna, Sadhna,
2062
प्रभु जी! सरणै करो नी म्हारी साधना, साधना, — Lyrics
प्रभु जी! सरणै करो नी म्हारी साधना, साधना, म्हारी नावड़ली कर द्यो भव स्यूं पार, ओ प्रभु जी! सफल करो नी म्हारी साधना।।
१. प्रभु जी! सरणे आयां री बाजी राखल्यो, म्हारै जीवन रौ कर द्यो नी उद्धार।
२. प्रभु जी! मोह ममता रा घेरा टूटज्या, मन मे समता रो कर द्यो नी संचार।
३. प्रभु जी! सांसां तो गिणती री ही म्हां कनै, पूरो भर द्यो विश्वांसां रो भण्डार।
४. प्रभु जी! काया तो काची माटी सारसी, द्यो नी दृढ़ता संकल्पां री विस्तार।
५. प्रभु जी! जनम-मरण री फेरी में फंस्यो, साची समकित रो द्यो नी दृढ़ आधार।
६. प्रभु जी! बंधन स्यूं बंधन किंयां टूटसी? द्यो नी निर्बन्धन होणै रा संस्कार।
७. प्रभु जी! खाम्यां तो पग-पग ऊपर हो रही, म्हारी गफळत रो मेटो नी संसार।
८. प्रभु जी! 'बुद्ध' तणी थे निरखो भावना, बरसो अमृतमय करुणा री रस-धार।
Roman Transliteration
Prabhu ji! sarnai karo ni mhari sadhna, sadhna, mhari navadli kar dyo bhav syun par, o Prabhu ji! saphal karo ni mhari sadhna..
1. Prabhu ji! sarne ayan ri baji rakhalyo, mharai jivan rau kar dyo ni uddhar.
2. Prabhu ji! moh mamta ra ghera tutajya, man me samta ro kar dyo ni sanchar.
3. Prabhu ji! sansan to ginti ri hi mhan kanai, puro bhar dyo vishvansan ro bhandar.
4. Prabhu ji! kaya to kachi mati sarsi, dyo ni dridhta sankalpan ri vistar.
5. Prabhu ji! janam-maran ri pheri men phansyo, sachi samkit ro dyo ni dridh adhar.
6. Prabhu ji! bandhan syun bandhan kinyan tutsi? dyo ni nirbandhan honai ra sanskar.
7. Prabhu ji! khamyan to pag-pag upar ho rahi, mhari gaphalat ro meto ni sansar.
8. Prabhu ji! 'buddha' tani the nirkho bhavna, barso amritamay karuna ri ras-dhar.