राखज्यो वश में शदा जबान
Rakhajyo Vash Men Shada Jaban
2160
राखज्यो वश में शदा जबान — Lyrics
राखज्यो वश में शदा जबान राखज्यो वश में सदा जबान, वाणी रो संयम करणै स्यूं होवै लाभ महान, राखज्यो वश में सदा जबानी।।
१. वचन रतन मुख-कोट कहावै, होठ कपाट री ओपमा पावै। राखो जतन सुजाण।।
२. बहु बोलै रै पग-पग जोखम, बो सुख पावै, जो बोलै कम। ल्यो हित-शिक्षा मान
३. बदन बनावट खुद बतलावै, बोलण रसना एक ही पावै। दो आंख्यां दो कानी।।
४. 'बोलण देखणहारी न्यारी, क्यूंकर बोलै देखणहारी। है मुनि रो आख्यान'।।
५. झगड़ै री जड़ है आ बोली, मीठी खारी पण आ बोली। माता रो आह्वान।।
६. 'बोलै बोल अतोल अख्यारथ, अणसोच्यो बणज्या महाभारत। है प्रत्यक्ष प्रमाण।।
७. वचन गुप्ति बिन भाषा समिति, कहणै मात्र री समझो समिति। भाख रह्या भगवान।।
८.'निव्वियारत्तं जणयइ वइगुत्ते अज्झप्प-जोग-सुसाहण-जुत्ते।' उत्तरज्झयण विधान।।
९. 'मोणेणं मुणी' आगम गावै, मौन अयोग-संवर में आवै। 'तुलसी' है कल्याण।।
Roman Transliteration
rakhajyo vash men shada jaban rakhajyo vash men sada jaban, vani ro sanyam karnai syun hovai labh mahan, rakhajyo vash men sada jabani..
1. vachan ratan mukh-kot kahavai, hoth kapat ri opama pavai. rakho jatan sujan..
2. bahu bolai rai pag-pag jokham, bo sukh pavai, jo bolai kam. lyo hit-shiksha man
3. badan banavat khud batlavai, bolan rasna ek hi pavai. do ankhyan do kani..
4. 'bolan dekhanhari nyari, kyunkar bolai dekhanhari. hai Muni ro akhyan'..
5. jhagdai ri jad hai a boli, mithi khari pan a boli. mata ro ahvan..
6. 'bolai bol atol akhyarath, anasochyo banajya mahabharat. hai pratyaksha praman..
7. vachan gupti bin bhasha samiti, kahnai matra ri samjho samiti. bhakh rahya bhagvan..
8.'nivviyarattaam janayai vaigutte ajjhappa-jog-susahan-jutte.' uttarajjhayan vidhan..
9. 'monenam muni' agam gavai, maun ayog-sanvar men avai. 'Tulsi' hai kalyan..