सामायिक दिवस
Samayik Divas
2204
सामायिक दिवस — Lyrics
सामायिक दिवस करो समाई समतादाई कुछ तो पाप करम तोड़ो पजुसणा रो पावन अवसर धर्म ध्यान में मन जोड़ो।।
भव अनंत स्यूं भटक रह्यो है जीव अनादि चक्कर में म्हारा थारा कर्या सदा ही राग-द्वेष री टक्कर में के संग ल्याया? के ले ज्यास्यां? चिंतन कर मनड़ो मोड़ो।
श्रावक रा बारह वरतां में नवमो व्रत सामायिक है व्रत धारण कर श्रावक काटै पूरव संचित पातिक है अव्रत नालो, वह दगचालो, मोक्ष मार्ग में है रोड़ो।।
पांच समायां करो आज सब सामायिक दिन है भायां सतरंगी नवरंगी सामायिक री करणी है बायां जागो-जागो, निद्रा त्यागो, घर (धन) री आसक्ति छोड़ो।।
धर्म दुकान चले चोखी जद श्रावक ग्राहक बण आवै धर्म ध्यान और त्याग-तपस्या से लाव्हो लेवण चावै भाव बढ़ावो, होड़ लगावो, आगै स्यूं आगै दौड़ो।।
Roman Transliteration
Samayik divas karo samai samtadai kuchh to pap karam todo pajusna ro pavan avasar Dharm dhyan men man jodo..
bhav anant syun bhatak rahyo hai jiv anadi chakkar men mhara thara karya sada hi rag-dvesh ri takkar men ke sang lyaya? ke le jyasyan? chintan kar mando modo.
shravak ra barah vartan men navmo vrat Samayik hai vrat dharan kar shravak katai purav sanchit patik hai avrat nalo, vah dagchalo, Moksha marga men hai rodo..
panch samayan karo aj sab Samayik din hai bhayan satarngi navarngi Samayik ri karni hai bayan jago-jago, nidra tyago, ghar (dhan) ri asakti chhodo..
Dharm dukan chale chokhi jad shravak grahak ban avai Dharm dhyan aur tyag-tapasya se lavho levan chavai bhav badhavo, hod lagavo, agai syun agai daudo..