सांवरिया भिखणजी ओ, करां थांरी ध्यावना,
Sanvriya Bhikhanji O, Karan Thanri Dhyavna,
2220
सांवरिया भिखणजी ओ, करां थांरी ध्यावना, — Lyrics
सांवरिया भिखणजी ओ, करां थांरी ध्यावना, नांवा थे लगाओ पार, सुणो म्हारी भावना, दीपां रा दुलारा ओ, करां थांरी-अर्चना, करो थे म्हारो उद्धार, सुणो म्हांरी भावना।।
सांचे धर्म रो ओ, थे मर्म बतायवा, आया हा बण अवतार, सुणो ....।।
कष्टां री ज्वाला में ओ, सोने री ज्यूं तप्या, जीवन नै लियो थे निखार, सुणो....।।
बढ़ता रहया नित ओ, थे मरणो धार नै, मेट्यो हो शिथिलाचार, सुणो....।।
मर्यादावां री ओ, प्रभु थे रचना करी, गण ओ बण्यो गुलजार, सुणो....।।
कांटा में हरदम ओ, थे खिलता फूल ज्यूं, सौरभ फैली अनपार, सुणो....।।
नाम स्वाम थांरो, है लागै मन्त्र ज्यूं, जुड्यो 'विजय' रो तार, सुणो....।।
Roman Transliteration
sanvriya bhikhanji o, karan thanri dhyavna, nanva the lagao par, suno mhari bhavna, dipan ra dulara o, karan thanri-archana, karo the mharo uddhar, suno mhanri bhavna..
sanche Dharm ro o, the marma batayva, aya ha ban avatar, suno ......
kashtan ri jvala men o, sone ri jyun tapya, jivan nai liyo the nikhar, suno......
badhta rahya nit o, the marno dhar nai, metyo ho shithilachar, suno......
maryadavan ri o, Prabhu the rachna kari, gan o banyo guljar, suno......
kanta men haradam o, the khilta phul jyun, saurabh phaili anapar, suno......
nam svam thanro, hai lagai mantra jyun, judyo 'vijay' ro tar, suno......