शासन है आपां रो न्यारो, जैन जगत् रो तारो है,
Shasan Hai Apan Ro Nyaro, Jain Jagat Ro Taro Hai,
2279
शासन है आपां रो न्यारो, जैन जगत् रो तारो है, — Lyrics
शासन है आपां रो न्यारो, जैन जगत् रो तारो है, प्राणां स्यूं भी प्यारो है ओ आंख्यां रो उजियारो है।।स्थायीपद।।
एक-एक स्यूं बढ़कर आचारज इणरी करता रह्या रखवाली है, बांरी ही पुण्याई रै बल, इणरी महिमा जग में भारी है,—2 महाप्रज्ञ गुरुवर ने पाकर चमक्यो संघ सितारों है, प्राणां स्यूं...।।1।।
भीखण जी स्वामी तप-तपकर इणरी जबरी नींव लगाग्या हा, जिनवर रो साचो पथ दिखला दुनिया रा भाग जगाग्या हा,—2 आज धरा पर तेरापंथ ओ केन्द्र बण्यो आशा रो है, प्राणां स्यूं...।।2।।
अनुशासन और व्यवस्था इणरी लागै इचरजकारी है, गणपति नै प्राणाधिक मानै सब री जुड़ी रहे इकतारी है,—2 सदा मनावां दिवाली म्हैं सुरगां रो सो नजारो है, प्राणां स्यूं...।।3।।
है संघ न दूजो दुनिया में जो इणरी तुलना कर पावै, इण कल्पतरु री छाया में बैठ्यां ही चितड़ो ठर ज्यापै,—2 सद्गुरु रे चरणां में रहकर पुलकित मन सगलां रो है, प्राणा सयूं...।।4।।
अपणै अनुपम आदर्शां स्यूं ओ नन्दन वन कहलावै है, इणरी गरिमा नै लख सारा, श्रद्धा स्यूं शीश झुकावै है,—2 'विजय मुनि' रे जीवन रो तो शासन ही रखवारो है, प्राणा स्यूं...।।5।।
Roman Transliteration
shasan hai apan ro nyaro, Jain jagat ro taro hai, pranan syun bhi pyaro hai o ankhyan ro ujiyaro hai..sthayipad..
ek-ek syun badhakar acharaj inari karta rahya rakhvali hai, banri hi punyai rai bal, inari mahima jag men bhari hai,—2 Mahapragya guruvar ne pakar chamakyo Sangh sitaron hai, pranan syun.....1..
Bhikhan ji Swami tap-tapakar inari jabri ninv lagagya ha, jinavar ro sacho path dikhla duniya ra bhag jagagya ha,—2 aj dhara par Terapanth o kendra banyo asha ro hai, pranan syun.....2..
anushasan aur vyavastha inari lagai icharajkari hai, ganapti nai pranadhik manai sab ri judi rahe ikatari hai,—2 sada manavan divali mhain surgan ro so najaro hai, pranan syun.....3..
hai Sangh n dujo duniya men jo inari tulna kar pavai, in kalpatru ri chhaya men baithyan hi chitdo thar jyapai,—2 sadguru re charnan men rahakar pulkit man saglan ro hai, prana sayun.....4..
apanai anupam adarshan syun o nandan van kahlavai hai, inari garima nai lakh sara, shraddha syun shish jhukavai hai,—2 'vijay Muni' re jivan ro to shasan hi rakhvaro hai, prana syun.....5..