संत भीखणजी रो समरण
Sant Bhikhanji Ro Samaran
2438
संत भीखणजी रो समरण — Lyrics
संत भीखणजी रो समरण
श्री सन्त भीखणजी रो समरण करतां, भव दु:ख जावै सर्व भाज जी, बासो बसै तो देवलोकां मांहि, पामै मुगतपुरी नो राज जी।। श्री पूज्य भीखणजी रो समरण कीजै।।१।।
भी कहतां भिक्षु ब्रत लीधा, 'ख' कहता खिम्या-रस पीध जी। 'न' कहता सावद काम निवार्या, 'जी' कहतां इनद्र्यां नैं जीत जी।।२।।
समरण चिन्तामणि च्यार आखर रो, तिण में गुण अथाग जी। चक्री निधान ज्यूं समरण साझै, तिण रो वीर कह्यो बड़ भाग जी।।३।।
सूत्र सिद्धांत में नवकार भाख्यो, दोय पदां में आया स्वाम जी। आचारज पदवी नैं सतगुरु साधु, ज्यांरो रात दिवस रटो नाम जी।।४।।
च्यार मंगलीक उत्तम शरणा लेणा, श्री वीर गया छै भाख जी। तीन प्रकारे बोलै स्वामी, ज्यांरी आवसग सूत्र में साख जी।।५।।
घणा विधन भागै इण समरण स्यूं, टल ज्यावै दुख हगाम जी। कही कथा सूतर के मांही, लेऊं थोड़ा-सा नाम जी।।६।।
लाय में बलतां सतगुरु समर्या, नहीं बल्यो कंजकंवार जी। शिष्य होस्यूं श्री नेम जिणन्द रो, तिण नें देवता काढ्यो बार जी।।७।।
सेठ सुदर्शन में संकट पड़ियो, जब समर लिया जगनाथ जी। विघन टल्यो देखो अर्जुनमाली रो, नहीं चाल्या तिण पर हाथ जी।।८।।
सीता सती नें अंजणा वे वन में, उपसर्ग उपना करूर जी। संकट पड्यां सती सतगुरु समर्या, तिण रो देव विधन कियो दूर जी।।९।।
(लय : आदर जीव खिम्या गुण आदर)
सेठ सुदर्शन नें समरण करतां, अभया दीनों आल जी। शूली फाट सिंहासन रचियो, इसड़ो समरण शील रसाल जी।।१०।।
सती सुभद्रा नें निज सासू, दियो अणहूंतो आल जी। तेलो करि नें सति सतगुरु समर्या, देवी आई तत्काल जी।।११।।
राजल रूप देखी रहनेमि चलिया, ध्यान चुका ने दियो धिकार जी। ध्यान समरण मन पाछो धरियो, पहुंता मुगत मझार जी।।१२।।
अरणक कामदेव दोया ने, देव दुख दीधा अपार जी। तो पिण सदगुरु समरण सैंठा, देव गया तिण स्यूं हार जी।।१३।।
नन्दन मणियारो डेडको हुंतो, तिणने ची्यो श्रेणिक रै केकाण जी। संथारो करी नैं सदगुरु समर्या, उपनो दर्दुर विमाण जी।।१४।।
दल मेल्या तिहा सात नरक नां, परसनचन्द राजान जी। ध्यान समरण मन पाछो धरियो, पाम्या केवलज्ञान जी।।१५।।
तीर्थंकर चक्रवर्ती इंद्रादिक, ओ ही समरण साध जी। मुक्ति पधार्या तेहिज भाख्यो, ओ ही मन्त्र आराध जी।।१६।।
मध्यम नर कोई समरण साझै, ज्यांरी बध ज्यावै आब जी। मध्यम जायगा प्यारी लागै, जाणै क्यारी खिली गुलाब जी।।१७।।
उत्तम मध्यम रो नहीं कोइ कारण, कुल ऊंच नीच नें मज्झ जी। समरण साधै तिणरै घट में, जाणै चांदणो कर दियो चन्द जी।।१८।।
जिम कोई जल नें पय ओटावै, तिम तिम चोखो हुवै दूध जी। कर्म पातक झड़े इण समरण स्यूं निरमल चोखी ज्यांरी बूध जी।।१९।।
कपड़े को मैल कटै साबुन सूं, रत्न काम्बल रो आग जी। कर्मा रो मैल छूटे समरण स्यूं, मिट ज्यावै भव भव दाग जी।।२०।।
सुलभबोधी समरण साधै, अठे ही पामै ज्ञान जी। अठै नहीं तो परभव पामैं, इसड़ो समरण ध्यान जी।।२१।।
समरण करतां जाणै मुख में, मिश्री पीधी गाल जी। शरीर वेदना ध्यान समरण स्यूं, जाणै बैठा सुखपाल जी।।२२।।
पूज्य सरीखी भरत खेतर में, बीजी नहीं कोई चीज जी। समरण व्रता में समकित आपै, हलुकर्मी रह्मा रीझ जी।।२३।।
साध भीखणजी रो समरण करतां, पहुंचे भवजल पार जी। जे नर नारी रा भाग्य बड़ा छै, वंदै सूरत दिदार जी।।२४।।
प्रजा नें प्यारा वासुदेव केशव, वीर बाहला तीर्थ च्यार जी। पतिव्रत विकसै पति देख्या, ज्यूं समदृष्टी गुरु दिदार जी।।२५।।
अलि रो जीव फूल झम्बर में, सारंग नें सारंग करै कूक जी। ज्यूं समदृष्टि ने गुरु दर्शन को, सदा लागी रहे भूख जी।।२६।।
अमृतफल सुवटा ने मीठा मोती मीठा मराल जी। समदृष्टी सतगुरु समरण स्यूं, कीधां हर्ष अपार जी।।२७।।
अमृत भोजन कीधां तिरपत, पछै किसी कुकस री लगन जी। समदृष्टी सतगुरु समरण स्यूं, मुनि ज्यूं रहे मगन जी।।२८।
मनवांछित फलै इण समरण स्यूं, समरो भीखण जी साध जी। हालत चालत उठत बैठत, चित में रहो आराध जी।।२९।।
बेल त्रिया कोई निरफल थावै, निरफल थावै कोई बीज जी। सतगुरु समरण निरफल नाहीं, ज्यूं सीता सती रो धीज जी।।३०।।
मध्यम बेल्यां 'मंत्र जपंता', तिण स्यूं इ सुधरै काज जी। साधु उत्तम को समरण कर्या स्यूं, निश्चेइ शिवपुर राज जी।।३१।।
काल दुखम में बहोलकर्मी, आय लियो अवतार जी। सतगुरु समरण स्यूं केवल पामै, अटकै दोय प्रकार जी।।३२।।
काल सुक्खम में हलुकर्मी, आय लियो अवतार जी। सतगुरु समरण स्यूं केवल पामै, इसा भिक्षु अणगार जी।।३३।।
अध्येन आठमें गिनाता सूतर में, गुरु गुण गावै दिन रात जी। गोत तीर्थंकर तेहिज बांधे, केवल पिण उपजै साख्यात जी।।३४।।
ऊंच पदवी देव मानव गत में, आदि तीर्थंकर देव जी। सर्व सुख पामै इण समरण स्यूं, सारो भीखणजी री सेव जी।।३५।।
इण समरण स्यूं कटे भव-भव रा, कर्म कटकदल फोज जी। देखो सांवलिये मुनिराज री सूरत, पूरो मन री मोज जी।।३६।।
पाखंड पेलणहारा नैं बिडदां रा भारा, वर्ण सांवल दीर्घ दीदार जी। लाली लोचन चाल हस्ती नी, पूज्य ओलखो इण उणिहार जी।।३७।।
पंच महाव्रत पालै दोषण टालै शूरवीर नें धीर जी। मूल गुण आचारज पूरा, आगै हुवा ज्यूं महावीर जी।।३८।।
वीर समरण में पूज्य समरण में, फेर नहीं तिल मात जी। वीर री गादी श्री पूज्य विराज्या, सगली चौथे आरै री ज्यूं बात जी।।३९।।
तीर्थ प्रवर्ताव्या ज्ञान रा गाढ़ा, हीरां रत्नां री खान जी। भरत क्षेत्र में सोध्या नहीं लाधै, भिक्षु सरीखा बुद्धिमान जी।।४०।।
हुआ नैं बले होसी घणेरा, हिवडां तो दीसे नांय जी। गुण घणां पिण एक जीभ स्यूं कह्या कठा लग जाय जी।।४१।।
तीर्थ प्रतिपाला नें ज्ञान रसाला, भविका भंजन भीर जी। अमृतवाणी जग में बखाणी, मीठी मिश्री खीर जी।।४२।।
खीर खाई चक्रवर्ती नीं दासी, रत्न करै चकचूर जी। खीर ज्यूं समरण समदृष्टी नैं, बल ज्यूं बढ़े पौरस पूर जी।।४३।।
गाळ दियो गर्व श्रीदेवी रो, बल देख्यो तिण बार जी। पौरुष सम समदृष्टी धर्म दियो अन्यमति नो गर्व गाल जी।।४४।।
खीर खाई एक ब्राह्मण बांगै, बधियो विषय विकार जी। खीर ज्यूं कूजन ब्राह्मण रो साथी, कुत्ता ज्यूं कुढत गिंवार जी।।४५।।
सुवो मैना पढ़ावै मानव गत में, बाणी बोलै विविध प्रकार जी। साक्षात मैनां नें कहे समरण कीजै, समझे नहीं मूढ़ गिंवार जी।।४६।।
रात दिवस त्यांरो ध्यान लग रह्यो, अन्यमत रो भजन विशेख जी। निरफल जाणे कोई सत्य समरण नैं, गाढ़ी राखै टेक जी।।४७।।
दृढ़पणो राखो भवि जीवा, राखो समरण टेक जी। रखे समरण स्यूं ढीला पर ज्यावो तो, अन्यमति करसी थांरी टेक जी।।४८।।
भगवंत भजां अरिहन्त सिद्ध प्रभु, आचार्य उवज्झाय मुनिराय जी। पांच पदां रो समरण साझां, थानें तो पिण खबर न कांय जी।।४९।।
च्यार पदा रो चौबुरजगढ़, सतगुरु पोल दुवार जी। पोल पायां बिन गढ़ किम पामै, ज्यूं इम गुरां को इधकार जी।।५०।।
गुरु स्तुति सुणो भवि जीवां, धारो समरण शील रसाल जी। तिर्या अनंता इण समरण स्यूं, दाख्यो दीनदयाल जी।।५१।।
एहवी महिमा गुरु समरण री, देवां री जाणो विशेख जी। जैन में भजन नहीं इम मत कहिज्यो, छोड़ दो कूड़ी टेक जी।।५२।।
अन्य मतां रो जैन धर्म रो, नहीं भजन परमाण जी। बानगी दिखाली जैनधर्म री, अहो भजन पिछाण जी।।५३।।
रहि-रहि पाखंडी इण जैन धर्म में, मुगते पहुंता अनन्त अनेक जी। गुरुदेवां रै समरण बिना, मुगत न पहुंतो एक जी।।५४।।
मृगतृष्णा ज्यूं समरण थारो, कण बिना थोथो बावै नाज जी। गुण बिना नाम स्यूं मुगत न पामैं, ज्यांरा कदेई न सुधरै काज जी।।५५।।
गुघू नें दिवस नहीं सूझै, पांव रोगी ने मीठी लागै खाज जी। नीम पान नहीं कड़वो जहर चढ्यो नैं, गुण बिना भजन कर्म वश गाज जी।।५६।।
भगत भीखणजी रो श्रावक शोभो, कीधी च्यार तीरथ मनवार जी। माला मोत्यां ज्यूं सतगुरु समरण, हीरां ज्यूं हिरदै धार जी।।५७।।
कुगत मिटावो सुगत जावो, समरो भीखणजी स्वाम जी। श्रावक 'शोभो' कीर्ति भाखै, श्रीजीद्वार सुगाम जी।।५८।।
Roman Transliteration
sant bhikhanji ro samaran
shri santa bhikhanji ro samaran kartan, bhav du:kh javai sarva bhaj ji, baso basai to devlokan manhi, pamai mugatpuri no raj ji.. shri pujya bhikhanji ro samaran kijai..1..
bhi kahtan Bhikshu brat lidha, 'kh' kahta khimya-ras pidh ji. 'n' kahta savad kam nivarya, 'ji' kahtan inadryan nain jit ji..2..
samaran chintamni chyar akhar ro, tin men gun athag ji. chakri nidhan jyun samaran sajhai, tin ro vir kahyo bad bhag ji..3..
sutra siddhant men Navkar bhakhyo, doy padan men aya svam ji. acharaj padvi nain satguru sadhu, jyanro rat divas rato nam ji..4..
chyar manglik uttam sharna lena, shri vir gaya chhai bhakh ji. tin prakare bolai Swami, jyanri avasag sutra men sakh ji..5..
ghana vidhan bhagai in samaran syun, tal jyavai dukh hagam ji. kahi katha sutar ke manhi, leun thoda-sa nam ji..6..
lay men baltan satguru samarya, nahin balyo kanjaknvar ji. shishya hosyun shri nem jinanda ro, tin nen devta kadhyo bar ji..7..
seth sudarshan men sankat padiyo, jab samar liya jagnath ji. vighan talyo dekho arjunmali ro, nahin chalya tin par hath ji..8..
sita sati nen anjana ve van men, upasarga upana karur ji. sankat padyan sati satguru samarya, tin ro Dev vidhan kiyo dur ji..9..
(lay : adar jiv khimya gun adar)
seth sudarshan nen samaran kartan, abhaya dinon al ji. shuli phat sinhasan rachiyo, isado samaran shil rasal ji..10..
sati subhadra nen nij sasu, diyo anahunto al ji. telo kari nen sati satguru samarya, devi ai tatkal ji..11..
rajal rup dekhi rahnemi chaliya, dhyan chuka ne diyo dhikar ji. dhyan samaran man pachho dhariyo, pahunta mugat majhar ji..12..
aranak kamdev doya ne, Dev dukh didha apar ji. to pin sadguru samaran saintha, Dev gaya tin syun har ji..13..
nandan maniyaro dedko hunto, tinne chi्yo shrenik rai kekan ji. santharo kari nain sadguru samarya, upano dardur viman ji..14..
dal melya tiha sat narak nan, parasanachanda rajan ji. dhyan samaran man pachho dhariyo, pamya kevalajnan ji..15..
Tirthankar chakravarti indradik, o hi samaran sadh ji. mukti padharya tehij bhakhyo, o hi mantra aradh ji..16..
madhyam nar koi samaran sajhai, jyanri badh jyavai ab ji. madhyam jayga pyari lagai, janai kyari khili gulab ji..17..
uttam madhyam ro nahin koi karan, kul unch nich nen majjha ji. samaran sadhai tinrai ghat men, janai chandno kar diyo chanda ji..18..
jim koi jal nen pay otavai, tim tim chokho huvai dudh ji. Karm patak jhade in samaran syun niramal chokhi jyanri budh ji..19..
kapde ko mail katai sabun sun, ratna kambal ro ag ji. karma ro mail chhute samaran syun, mit jyavai bhav bhav dag ji..20..
sulabhbodhi samaran sadhai, athe hi pamai jnan ji. athai nahin to parabhav pamain, isado samaran dhyan ji..21..
samaran kartan janai mukh men, mishri pidhi gal ji. sharir vedna dhyan samaran syun, janai baitha sukhpal ji..22..
pujya sarikhi bharat khetar men, biji nahin koi chij ji. samaran vrata men samkit apai, halukarmi rahma rijh ji..23..
sadh bhikhanji ro samaran kartan, pahunche bhavajal par ji. je nar nari ra bhagya bada chhai, vandai surat didar ji..24..
praja nen pyara vasudev keshav, vir bahla tirtha chyar ji. pativrat viksai pati dekhya, jyun samdrishti Guru didar ji..25..
ali ro jiv phul jhambar men, sarang nen sarang karai kuk ji. jyun samdrishti ne Guru darshan ko, sada lagi rahe bhukh ji..26..
amritaphal suvta ne mitha moti mitha maral ji. samdrishti satguru samaran syun, kidhan harsha apar ji..27..
amrit bhojan kidhan tirapat, pachhai kisi kukas ri lagan ji. samdrishti satguru samaran syun, Muni jyun rahe magan ji..28.
manvanchhit phalai in samaran syun, samro Bhikhan ji sadh ji. halat chalat uthat baithat, chit men raho aradh ji..29..
bel triya koi niraphal thavai, niraphal thavai koi bij ji. satguru samaran niraphal nahin, jyun sita sati ro dhij ji..30..
madhyam belyan 'Mantra japnta', tin syun i sudhrai kaj ji. sadhu uttam ko samaran karya syun, nishchei shivpur raj ji..31..
kal dukham men baholakarmi, ay liyo avatar ji. satguru samaran syun keval pamai, atakai doy prakar ji..32..
kal sukkham men halukarmi, ay liyo avatar ji. satguru samaran syun keval pamai, isa Bhikshu anagar ji..33..
adhyen athamen ginata sutar men, Guru gun gavai din rat ji. got Tirthankar tehij bandhe, keval pin upajai sakhyat ji..34..
unch padvi Dev manav gat men, adi Tirthankar Dev ji. sarva sukh pamai in samaran syun, saro bhikhanji ri sev ji..35..
in samaran syun kate bhav-bhav ra, Karm katakadal phoj ji. dekho sanvliye muniraj ri surat, puro man ri moj ji..36..
pakhand pelanhara nain biddan ra bhara, varna sanval dirgha didar ji. lali lochan chal hasti ni, pujya olakho in unihar ji..37..
panch mahavrat palai doshan talai shurvir nen dhir ji. mul gun acharaj pura, agai huva jyun Mahavir ji..38..
vir samaran men pujya samaran men, pher nahin til mat ji. vir ri gadi shri pujya virajya, sagli chauthe arai ri jyun bat ji..39..
tirtha pravartavya jnan ra gadha, hiran ratnan ri khan ji. bharat kshetra men sodhya nahin ladhai, Bhikshu sarikha buddhiman ji..40..
hua nain bale hosi ghanera, hivdan to dise nany ji. gun ghanan pin ek jibh syun kahya katha lag jay ji..41..
tirtha pratipala nen jnan rasala, bhavika bhanjan bhir ji. amritvani jag men bakhani, mithi mishri khir ji..42..
khir khai chakravarti nin dasi, ratna karai chakchur ji. khir jyun samaran samdrishti nain, bal jyun badhe pauras pur ji..43..
gal diyo garva shridevi ro, bal dekhyo tin bar ji. paurush sam samdrishti Dharm diyo anyamti no garva gal ji..44..
khir khai ek brahman bangai, badhiyo vishay vikar ji. khir jyun kujan brahman ro sathi, kutta jyun kudhat ginvar ji..45..
suvo maina padhavai manav gat men, bani bolai vividh prakar ji. sakshat mainan nen kahe samaran kijai, samjhe nahin mudh ginvar ji..46..
rat divas tyanro dhyan lag rahyo, anyamat ro Bhajan vishekh ji. niraphal jane koi satya samaran nain, gadhi rakhai tek ji..47..
dridhapno rakho bhavi jiva, rakho samaran tek ji. rakhe samaran syun dhila par jyavo to, anyamti karsi thanri tek ji..48..
bhagavant bhajan arihanta Siddha Prabhu, Acharya uvajjhay muniray ji. panch padan ro samaran sajhan, thanen to pin khabar n kany ji..49..
chyar pada ro chauburajagadh, satguru pol duvar ji. pol payan bin gadh kim pamai, jyun im guran ko idhakar ji..50..
Guru stuti suno bhavi jivan, dharo samaran shil rasal ji. tirya ananta in samaran syun, dakhyo dinadyal ji..51..
ehavi mahima Guru samaran ri, devan ri jano vishekh ji. Jain men Bhajan nahin im mat kahijyo, chhod do kudi tek ji..52..
anya matan ro Jain Dharm ro, nahin Bhajan parman ji. bangi dikhali jainadharma ri, aho Bhajan pichhan ji..53..
rahi-rahi pakhndi in Jain Dharm men, mugte pahunta ananta anek ji. gurudevan rai samaran bina, mugat n pahunto ek ji..54..
mrigtrishna jyun samaran tharo, kan bina thotho bavai naj ji. gun bina nam syun mugat n pamain, jyanra kadei n sudhrai kaj ji..55..
gughu nen divas nahin sujhai, panv rogi ne mithi lagai khaj ji. nim pan nahin kadvo jahar chadhyo nain, gun bina Bhajan Karm vash gaj ji..56..
bhagat bhikhanji ro shravak shobho, kidhi chyar tirath manvar ji. mala motyan jyun satguru samaran, hiran jyun hirdai dhar ji..57..
kugat mitavo sugat javo, samro bhikhanji svam ji. shravak 'shobho' kirti bhakhai, shrijidvar sugam ji..58..