संथारो साचे मन धारयो,
Santharo Sache Man Dharyo,
2445
संथारो साचे मन धारयो, — Lyrics
संथारो साचे मन धारयो, सुख स्यूं पार लगाईज्यो, भावां री ऊंची श्रेणी ले, कुळ ने कळश चढ़ाईज्यो।।
१. तन नै पाळ पोस कर राखै, बै तो जीव अनन्त है। पण जो कसै तपस्या स्यूं तन, बै पावै भव अन्त है। संथारै रो फळ्यो मनोरथ, जीवन सफळ बणाईज्यो।।
२. समय बांध कर त्याग तपस्या, करणै वाळा मिल ज्यासी। आजीवन अनशन धारणिया, खोज्यां ही विरला पासी। धन थांरी छाती नै, भार-लियो सो ठेट पुगाईज्यो।।
३. अन-पाणी रै स्हारै चालै, काची माटी है काया। बारै दीसै घणी फूटरी, नश्वर भीतर री माया। मोह छोड़ इण रो चाल्या थे, आतम-मान बढ़ाईज्यो।।
४. स्वामीजी रो शासन पायो, गुरु तुलसी रखवाळा है। जैन धर्म पायो जयवन्तो, खुल्या अभिंतर ताळा है। धार 'बुद्ध' री सीख सतोली, अन्तर-मन सरसाईज्यो।।
Roman Transliteration
santharo sache man dharyo, sukh syun par lagaijyo, bhavan ri unchi shreni le, kul ne kalash chadhaijyo..
1. tan nai pal pos kar rakhai, bai to jiv ananta hai. pan jo kasai tapasya syun tan, bai pavai bhav anta hai. santharai ro phalyo manorath, jivan saphal banaijyo..
2. samay bandh kar tyag tapasya, karnai vala mil jyasi. ajivan anashan dharniya, khojyan hi virla pasi. dhan thanri chhati nai, bhar-liyo so thet pugaijyo..
3. an-pani rai sharai chalai, kachi mati hai kaya. barai disai ghani phutri, nashvar bhitar ri maya. moh chhod in ro chalya the, atam-man badhaijyo..
4. svamiji ro shasan payo, Guru Tulsi rakhvala hai. Jain Dharm payo jayavanto, khulya abhintar tala hai. dhar 'buddha' ri sikh satoli, antar-man sarsaijyo..