स्वामी भीखणजी रो नाम आठूं याम ध्यावां।
Swami Bhikhanji Ro Nam Athun Yam Dhyavan.
2564
स्वामी भीखणजी रो नाम आठूं याम ध्यावां। — Lyrics
स्वामी भीखणजी रो नाम आठूं याम ध्यावां। बाबलियै रो उपकार किंयां भूल ज्यावां।। सांवरियो म्हारै रूं-रूं रम्यो है। पल-पल छिन-छिन स्थृति सरसावां।
१. मंत्राक्षक है नाम स्वाम रो, सरल पंथ है परमधाम रो। भिक्खू नाम री गंगोतरी में नित छावां।।
२. बलिदानां री अमर कहाणी, तीव्र तपोबल की सहनाणी। कामकुंभ कल्पवृक्ष चिंतारत्न पावां।।
३. दो सौ वरसां री बै बातां, बैठ जगाई बाबो रातां। कर याद मर्याद मन हुलसावां।।
४. खड़ा-खड़ा पड़िकमणो करता, बुढ़ापै रो ध्यान न धरता। उतपातिया प्रतिभा री भारी घटनावां।।
५. गच्छां बाड़ां री दुरवस्था, मेटी सारी विषम व्यवस्था। तेरापंथ री सजीव नींव थिर ठावां।।
६. समझायो जीवन रो दर्शण, नहिं भायो उपरि आकर्षण। बा ही श्रृंखला सजोश आपां अपणावां।।
७. धर्म-क्रान्ति रो बिगुल बजायो, रूढ़िवाद रो भूत भगायो। देखो आज ओ अनूठो दृश्य देख पावां।।
८. है ज्योतिर्मय जीवन जीणो, जी भर शान्त सुधारस पीणो। झीणो स्वामीजी रो तत्त्व-बोध सीख पावां।।
९. सुद भाद्रव सरदारशहर में, धर्म-बहार लगी घर-घर में। 'तुलसी' प्रेक्षा-ध्यान-साधना रो रंग ल्यावां।।
Roman Transliteration
Swami bhikhanji ro nam athun yam dhyavan. babliyai ro upakar kinyan bhul jyavan.. sanvriyo mharai run-run ramyo hai. pal-pal chhin-chhin sthriti sarsavan.
1. mantrakshak hai nam svam ro, saral panth hai paramdham ro. bhikkhu nam ri gangotri men nit chhavan..
2. balidanan ri amar kahani, tivra tapobal ki sahnani. kamkumbh kalpavriksha chintaratna pavan..
3. do sau varsan ri bai batan, baith jagai babo ratan. kar yad maryad man hulsavan..
4. khada-khada padikamno karta, budhapai ro dhyan n dharta. utapatiya pratibha ri bhari ghatnavan..
5. gachchhan badan ri duravastha, meti sari visham vyavastha. Terapanth ri sajiv ninv thir thavan..
6. samjhayo jivan ro darshan, nahin bhayo upari akarshan. ba hi shrrinkhla sajosh apan apanavan..
7. Dharm-kranti ro bigul bajayo, rudhivad ro bhut bhagayo. dekho aj o anutho drishya dekh pavan..
8. hai jyotirmay jivan jino, ji bhar shanta sudharas pino. jhino svamiji ro tattva-bodh sikh pavan..
9. sud bhadrav sardarashahar men, Dharm-bahar lagi ghar-ghar men. 'Tulsi' Preksha-dhyan-sadhna ro rang lyavan..