स्वामीजी थांरै संघ री महिमा महकावै है
Svamiji Thanrai Sangh Ri Mahima Mahkavai Hai
3034
स्वामीजी थांरै संघ री महिमा महकावै है — Lyrics
स्वामीजी थांरै संघ री, महिमा महकावै है। सारा मोद मनावै है, मन दरियो लहरावै है।।
फल्यो फूल्यो ओ गण उपवन है, जोशीला वनमाली, संत सती कोयल ज्यूं कुंजै, बैठ रूंख री डाळी। ईं बगिया री सौरभ स्यूं, सगळा सुख पावै है।।
गण इतिहास पढ़ण नै, सूरज चाँद उतरकर आसी, तुलसी रै पावन चरणां में, सादर शीष झुकासी। बलिदानां री अमर कहाणी, जन-जन गावै है।।
मर्यादित जीवन जीणो ओ, गण म्हांनै सिखलावै, अनुशासन ही प्राण संघ रो, संविधान बतलावै। श्री भिक्षु री त्याग तपस्या, रंग खिलावै है।।
भारीमाल, रिषिराय, जीत, मघ, माणिक, डालिम गणिवर, सदा बढ़ायो गौरव गण रो, सगळा शासन शेखर, कालूगणी री महिमा तो, मुलकां महकावै है। तुलसी महाप्रज्ञ री मूरत, नयणां छावै है ।।
Roman Transliteration
svamiji thanrai Sangh ri, mahima mahkavai hai. sara mod manavai hai, man dariyo lahravai hai..
phalyo phulyo o gan upavan hai, joshila vanmali, sant sati koyal jyun kunjai, baith runkh ri dali. in bagiya ri saurabh syun, sagla sukh pavai hai..
gan itihas padhan nai, suraj chand utarakar asi, Tulsi rai pavan charnan men, sadar shish jhukasi. balidanan ri amar kahani, jan-jan gavai hai..
maryadit jivan jino o, gan mhannai sikhlavai, anushasan hi pran Sangh ro, sanvidhan batlavai. shri Bhikshu ri tyag tapasya, rang khilavai hai..
bharimal, rishiray, jit, magh, manik, dalim ganivar, sada badhayo gaurav gan ro, sagla shasan shekhar, Kalugani ri mahima to, mulkan mahkavai hai. Tulsi Mahapragya ri murat, naynan chhavai hai ..