स्वामीजी थारै शासन में मौज उड़ावा हां
Svamiji Tharai Shasan Men Mauj Udava Han
3036
स्वामीजी थारै शासन में मौज उड़ावा हां — Lyrics
स्वामीजी थारै शासन में, मौज उड़ावा हां। खुशियां खूब मनावां हां, म्हारा भाग सरावां हां।।
बड़े भाग्य स्यूं कलियुग में, म्है स्वामीजी नै पाया, मानो मीरां रै मंदिर में, प्रकट सांवरा आया। भक्ति रै फुलड़ां री मिलजुल, भेंट चढ़ावां हां।।
बिन्दु बणकर आया हा थे, सिन्धु बणकर गूंज्या, जीवन रे समरांगण में थे, रणजोधा ज्यूं जूझ्या। थांरै कष्टां री क्हाणी सुण, कांप ज्यावां हां।।
मर्यादा पुरुषोत्तम भिक्षु, मर्यादावां बांधी, श्रमण संघ री विश्रृंखल सब, कड़ियां नै थे सांधी। सिंह पुरुष थांरी हिम्मत पर, वारी जावां हां।।
स्वामीजी थारै दर्शन री, प्यासी अंखियां म्हांरी, ‘रत्न’ भिक्षु रै नाम मात्र स्यूं, टरै आपदा सारी। भिक्षु-भिक्षु-भिक्षु-भिक्षु, रटन लगावां हां।।
Roman Transliteration
svamiji tharai shasan men, mauj udava han. khushiyan khub manavan han, mhara bhag saravan han..
bade bhagya syun kaliyug men, mhai svamiji nai paya, mano miran rai mandir men, prakat sanvra aya. bhakti rai phuldan ri miljul, bhent chadhavan han..
bindu banakar aya ha the, sindhu banakar gunjya, jivan re samrangan men the, ranjodha jyun jujhya. thanrai kashtan ri khani sun, kamp jyavan han..
maryada purushottam Bhikshu, maryadavan bandhi, shraman Sangh ri vishrrinkhal sab, kadiyan nai the sandhi. sinh purush thanri himmat par, vari javan han..
svamiji tharai darshan ri, pyasi ankhiyan mhanri, ‘ratna’ Bhikshu rai nam matra syun, tarai apada sari. Bhikshu-Bhikshu-Bhikshu-Bhikshu, ratan lagavan han..