तुलसी है प्राणां स्यूं प्यारो
Tulsi Hai Pranan Syun Pyaro
2708
तुलसी है प्राणां स्यूं प्यारो — Lyrics
तुलसी है प्राणां स्यूं प्यारो तुलसी तुलसी तुलसी तुलसी, तुलसी है प्राणां स्यूं प्यारो। तुलसी जीवन री ऊर्जा है, तुलसी है आख्यां रो तारो।।
1. युगद्रष्टा, युगद्रष्टा तुलसी, तुलसी ईं युग री धड़कन है, तुलसी चरणां रो परस मिल्यो, बा माटी बणगी चन्दन है। तुलसी मुसकानां रो झरणो, दीनां दुखियां रो है स्हारो।।
2. तुलसी तैजस रो दिव्य रूप, तुलसी मानव रो निर्माता, तुलसी चिन्तन रो भव्य स्तूप, तुलसी अन्तर अनुसन्धाता। तुलसी रो सिरजण बोल रह्यो, तुलसी अद्भुत सिरजणहारो।।
3. पौरुष री प्रखर निशाणी है, तुलसी साहस री सहनाणी, तुलसी री वाणी कल्याणी, तुलसी नवयुग री है क्हाणी। कमनीय करिश्मो किस्मत रो, तुलसी ज्योतिर्मय अंगारो।।
4. गा राग प्रभाती बार-बार, तुलसी जागृति रो मंत्र दियो, जीवन री कला सिखावण नै, सक्रिय शिक्षण रो तंत्र दियो। तुलसी है सदी बीसवीं रो, दिन रात दमकतो ध्रुवतारो।।
5. खींची है नई लकीरां जो, इतिहास पुरुष तुलसी साचो, तीर्थंकर पंचम आरै रो, ल्यायो चोथो आरो पाछो। बरतै तेरापंथ शासन में, जिनदेव सरीखो बरतारो।।
6. लाखां कोड़ां री अनमोली, आस्था रो है आश्रय तुलसी, जीवन रो महाकाव्य मधुमय, आखर-आखर रसमय तुलसी। क्यूं रुक्यो अचानक अनुगुंजित, तुलसी सांसा रो इकतारो।।
7. करुणा वत्सलता स्यूं सींची, तुलसी म्हांरी जीवन क्यारी, सुधि लेवण अबै पधारो जो, साची सारां स्यूं इकतारी। मन मोर पपीहा ज्यूं तरसै, निरखण निजरां बो उणिहारो।।
Roman Transliteration
Tulsi hai pranan syun pyaro Tulsi Tulsi Tulsi Tulsi, Tulsi hai pranan syun pyaro. Tulsi jivan ri urja hai, Tulsi hai akhyan ro taro..
1. yugadrashta, yugadrashta Tulsi, Tulsi in yug ri dhadakan hai, Tulsi charnan ro paras milyo, ba mati bangi chandan hai. Tulsi muskanan ro jharno, dinan dukhiyan ro hai sharo..
2. Tulsi taijas ro divya rup, Tulsi manav ro nirmata, Tulsi chintan ro bhavya stup, Tulsi antar anusandhata. Tulsi ro sirajan bol rahyo, Tulsi adbhut sirajanharo..
3. paurush ri prakhar nishani hai, Tulsi sahas ri sahnani, Tulsi ri vani kalyani, Tulsi navyug ri hai khani. kamniy karishmo kismat ro, Tulsi jyotirmay angaro..
4. ga rag prabhati bar-bar, Tulsi jagriti ro Mantra diyo, jivan ri kala sikhavan nai, sakriy shikshan ro tantra diyo. Tulsi hai sadi bisvin ro, din rat damakto dhruvtaro..
5. khinchi hai nai lakiran jo, itihas purush Tulsi sacho, Tirthankar pancham arai ro, lyayo chotho aro pachho. bartai Terapanth shasan men, jindev sarikho bartaro..
6. lakhan kodan ri anamoli, astha ro hai ashray Tulsi, jivan ro mahakavya madhumay, akhar-akhar rasamay tulsi. kyun rukyo achanak anugunjit, Tulsi sansa ro ikataro..
7. karuna vatsalta syun sinchi, Tulsi mhanri jivan kyari, sudhi levan abai padharo jo, sachi saran syun ikatari. man mor papiha jyun tarsai, nirakhan nijran bo uniharo..