अचानक छोड़ गये

Roman Transliteration

achanak chhod gaye

achanak chhod gaye, ham sabko gannath. sakal stabdha hain, sabke dil par, laga kada aghat..

palak jhapakte chale gaye yun, kyun bolo sartaj. bhakton ke sir par akalpit, padi bhayankar gaj..

bilkul nirmohi bane ve, toda sabse moh. jara n socha jhel sakenge, kaise vikat bichhoh..

rahe akele ek-ek kar, kiya sabhi ko dur. anamne sab uth chale hain, ajna se majbur..

lage banane bhumika ve, vas kiya ekanta. nipat akela ab hona hai, shashvat shanta nitanta..

kadam anuthe rahe apake, kam bade bejod. ne masiha manavta ke, sab bhedon ko tod..

apane pad ka kiya visarjan, rakha naya adarsha. pad lolupta se hote hain, jivan men sangharsha..

vyathit ashanta manushya jati ko, diye shanti avadan. tan man jivan svasthata hit, Anuvrat prekshadhyan..

vishva shanti ke bane purodha, phunka Mantra mahan. maitri bhav ki sadhna se, hoga jag kalyan..

gan gaurav ko shikhar chadhane, sundar kiye prabandha. Mahapragya shasan neta ki, phaili madhur sugandha..

ajab karishma tha hathon men, pai pag-pag jit. nam tumhara amar rahega, 'mohan' gata-git..