अन्तिम बाजी
Antim Baji
7
अन्तिम बाजी — Lyrics
श्रावक जी ! अब सैंठा रहिज्यो । लियो भार पहुंचाय पार थे, जग में जश लीज्यो ।।
नीठ—नीठ मानव भव पायो, पांचूं इन्द्रयां तन्त । आरज क्षेत्र मिल्यो कुल उत्तम, गुरु तुलसी गुणवन्त ।।
घणां बरस श्रावक—व्रत पाल्या, करी गुरां री सेव । छेहड़ै जबर विचारी पचख्यो, संथारो स्वयमेव ।।
भूख तृषा वश तन कुमलावै, जावै रसना सूक । अधिक कष्ट मरणांत देखकर, थे मत जाज्यो चूक ।।
सूर चढ़े संग्राम में, बैर्यां साम्हो जाय । रग—रग नाचे तन—मन राचै, पग पाछा नहिं ठाय ।।
तिमहिज कर्म रिपु संग मांड्यो, थे भारी संग्राम । अल्प समय में जीत फतै अब, रखज्यो ढृढ़ परिणाम ।।
देव गुरु री खरी आसथा, राखीज्यो मन मांय । चौरासी लख जीवा जोणी, लीज्यो सर्व खमाय ।।
सुखे—सुखे भव करतां, थे तो करस्यो मुक्ति नजीक । संथारा में श्रावक जी नै, आ ‘सोहन’ री सीख ।।
Roman Transliteration
shravak ji ! ab saintha rahijyo . liyo bhar pahunchay par the, jag men jash lijyo ..
nith—nith manav bhav payo, panchun indrayan tanta . araj kshetra milyo kul uttam, Guru Tulsi gunavanta ..
ghanan baras shravak—vrat palya, kari guran ri sev . chhehdai jabar vichari pachakhyo, santharo svaymev ..
bhukh trisha vash tan kumlavai, javai rasna suk . adhik kashta marnant dekhakar, the mat jajyo chuk ..
sur chadhe sangram men, bairyan samho jay . rag—rag nache tan—man rachai, pag pachha nahin thay ..
timhij Karm ripu sang mandyo, the bhari sangram . alpa samay men jit phatai ab, rakhajyo dhridh parinam ..
Dev Guru ri khari asatha, rakhijyo man many . chaurasi lakh jiva joni, lijyo sarva khamay ..
sukhe—sukhe bhav kartan, the to karasyo mukti najik . santhara men shravak ji nai, a ‘sohan’ ri sikh ..