आओ-आओ भिक्षु स्वामी!
Ao-Ao Bhikshu Swami!
249
आओ-आओ भिक्षु स्वामी! — Lyrics
आओ-आओ भिक्षु स्वामी! आओ-आओ भिक्षु स्वामी! अब तो म्हारै आंगणियै, उभा अडीकां कदका आपनै। पक्ष उजळो तिथि है तेरस, घट में म्हारै चान्दणियो, श्रद्धा रा फूल बिछावां सामनै।।
1. शब्द-शब्द और सांस सांस में, भिक्षु री झणकार उठै, खातां पीतां सोतां उठतां, खोजां भिक्षु गया कठै। दर्शण तो देणां पड़सी आपनै।।
2. इसी जग्यां नहीं म्हारै घट में, जठै आपरो नाम नहीं, आख्यां में उतरो तो स्वामिन! पाऊं मैं आराम सही। म्है तो नहीं भूलां थांरै जाप नै।।
3. कष्टां री काळी रातां में, एक आपरो ही शरणो, एकर तो संभाल्या सरसी, बैठ्या कद का दे धरणो। भव भव में शरणो थांरो म्हांनै।।
4. ई कलियुग में आप सरीखा, संत पुरुष मिलणा मुश्किल, अपणै श्रम स्यूं ही पावै है, वीर पुरुष अपणी मंजिल। जग नै समझायो रात्यूं जाग नै।।
5. थांरै गण उपवन री शोभा, लहर लहर लहरावै है, गण-गुम्बज पर आज देखल्यो, धर्म-ध्वजा फहरावै है। 'तुलसी' सा मालिक मिलग्या संघ नै।।
Roman Transliteration
ao-ao Bhikshu Swami! ao-ao Bhikshu Swami! ab to mharai anganiyai, ubha adikan kadka apanai. paksha ujalo tithi hai teras, ghat men mharai chandaniyo, shraddha ra phul bichhavan samnai..
1. shabda-shabda aur sans sans men, Bhikshu ri jhankar uthai, khatan pitan sotan uthatan, khojan Bhikshu gaya kathai. darshan to denan padsi apanai..
2. isi jagyan nahin mharai ghat men, jathai aparo nam nahin, akhyan men utaro to svamin! paun main aram sahi. mhai to nahin bhulan thanrai jap nai..
3. kashtan ri kali ratan men, ek aparo hi sharno, ekar to sambhalya sarsi, baithya kad ka de dharno. bhav bhav men sharno thanro mhannai..
4. i kaliyug men ap sarikha, sant purush milna mushkil, apanai shram syun hi pavai hai, vir purush apani manjil. jag nai samjhayo ratyun jag nai..
5. thanrai gan upavan ri shobha, lahar lahar lahravai hai, gan-gumbaj par aj dekhalyo, Dharm-dhvaja phahravai hai. 'Tulsi' sa malik milagya Sangh nai..