आत्म-शुद्धि रो

Atma-Shuddhi Ro

गीत क्रमांक306

आत्म-शुद्धि रो — Lyrics

आत्म-शुद्धि रो आत्मशुद्धि रो साधन साचो धर्म कहावै रे। भव-सागर में डूबतां नै पार लगावै रे।।

सगलां नै अधिकार सरीखो साफ सुणावै रे। जलधर ज्यूं घर खेतां में इमरत बरसावै रे।।

परमात्मा री सत्ता सब में शास्तर गावै रे। ऊंच-नीच रै भेद-भाव स्यूं जी अकुलावै रे।।

मिसरी स्यूं मुख मीठो होसी कोई खावै रे। जात-पांत रो पचड़ो फिर, क्यूं बिच में आवै रे।।

दान-दक्षिणा और न टक्‍को पीसो चावै रे। बिना भेद प्राणी मातर नै गलै लगावै रे।।

पर भव के, इं भव में चमत्कार दिखलावै रे। सिंह-हिरन नै एक घाट पर पाणी पावै रे।।

शुद्ध बणै आचार हियो मंदिर बण ज्यावै रे। तरुवर छाया ज्यूं पथिकां रो जी बहलावै रे।।

सब रो आश्रय-दाता बन्धन तोड़ गिरावै रे। भाईचारै रो 'तुलसी' नित पाठ पढ़ावै रे।।

atma-shuddhi ro atmashuddhi ro sadhan sacho Dharm kahavai re. bhav-sagar men dubtan nai par lagavai re..

saglan nai adhikar sarikho saph sunavai re. jaladhar jyun ghar khetan men imarat barsavai re..

parmatma ri satta sab men shastar gavai re. unch-nich rai bhed-bhav syun ji akulavai re..

misri syun mukh mitho hosi koi khavai re. jat-pant ro pachdo phir, kyun bich men avai re..

dan-dakshina aur n takko piso chavai re. bina bhed prani matar nai galai lagavai re..

par bhav ke, in bhav men chamatkar dikhlavai re. sinh-hiran nai ek ghat par pani pavai re..

shuddha banai achar hiyo mandir ban jyavai re. taruvar chhaya jyun pathikan ro ji bahlavai re..

sab ro ashray-data bandhan tod giravai re. bhaicharai ro 'Tulsi' nit path padhavai re..