चेतन! चिदानन्द
Chetan! Chidananda
567
चेतन! चिदानन्द — Lyrics
चेतन! चिदानन्द चेतन! चिदानन्द चरणां में, सब कुछ अरपण कर थांरो। सफल बणा तूं सतसंगत में, मूंघामोलो मिनख जमारो।।
खाली हाथां आयो है तूं, जासी खाली हाथां रे, लारै रहसी इण दुनिया में, जस-अपजस री बातां रे। थोड़ै जीणै रै खातिर क्यूं, बांधे शिर पापां रो भारो।।
कोड्यां सारै अहल हार मत, ओ हीरो लाखीणो रे, विष मत घोल वासना रो, जो शान्त-सुधारस पीणो रे। अति झीणो परमारथ रो पथ, तूं है नश्वर तन स्यूं न्यारो।।
भरयो अनन्त अखूट खजानो, गाफिल! थारै घर में रे क्यूं न निहारै, बारै बारै, क्यूं भटकै दर-दर में रे। आग छिपी अरणी में दूंढ, काठ काट मूरख कठिहारो।।
एक नयो पैसो भी थांरै, नहीं चालसी सागै रे, करया आप रा कर्मा स्यूं ही, सुख-दुख मिलसी आगै रे। संजम रै मारग पर चाल्यां, 'तुलसी' निश्चित है निस्तारो।।
Roman Transliteration
chetan! chidananda chetan! chidananda charnan men, sab kuchh arapan kar thanro. saphal bana tun satasangat men, munghamolo minakh jamaro..
khali hathan ayo hai tun, jasi khali hathan re, larai rahsi in duniya men, jas-apajas ri batan re. thodai jinai rai khatir kyun, bandhe shir papan ro bharo..
kodyan sarai ahal har mat, o hiro lakhino re, vish mat ghol vasna ro, jo shanta-sudharas pino re. ati jhino parmarath ro path, tun hai nashvar tan syun nyaro..
bharyo ananta akhut khajano, gaphil! tharai ghar men re kyun n niharai, barai barai, kyun bhatkai dar-dar men re. ag chhipi arani men dundh, kath kat murakh kathiharo..
ek nayo paiso bhi thanrai, nahin chalsi sagai re, karya ap ra karma syun hi, sukh-dukh milsi agai re. sanjam rai marag par chalyan, 'Tulsi' nishchit hai nistaro..