छोड़ो क्यूं कोनी
Chhodo Kyun Koni
575
छोड़ो क्यूं कोनी — Lyrics
छोड़ो क्यूं कोनी छोड़ो क्यूं कोनी क्रोध रो नशो? थांरी आंख्यां में लोही रो ऊफाण। छोड़ो क्यूं कोनी क्रोध रो नशो? थांरी अक-बक बकणे री पड़गी बाण। दूजां नै कालै नाग ज्यू डसो।।
क्रोध बड़ो दुर्गुण दुनिया में, घट-घट में बसनारो। जिण घट में नहिं कध निवासी, बो नर जगत-सितारो।।
पचेन्द्रिय प्राणी री यद्यपि, करै न कतल विचारो। तदपि कसायी नाम कुपित रो, आगम वचन निहारो।।
प्रेम परस्पर दर पीढ़यां रो, शिष्टाचार सदा रो। खिण भर में तिणखै ज्यूं तोड़े, बोल वचन मुख खारो।।
गाली सुण्यां न हुयै गूमड़ा, छिदै न अवयव थांरो। थे जो सहस्यो समभावां स्यूं, (तो) बो पिछतावणहारो।।
गालीवान कठै स्यूं ल्यासी, मांग मधुर वच प्यारो। थे तो मृदुल मनोहरभाषी, अपणी विरुद विचारो।।
जठै क्रोध है अहंकार री नियमा तजै न लारो। सुण दृष्टान्त 'सन्त धोबी रो' मन री रीस उतारो।।
विफल कियो 'कुल-पुत्र' रोष ज्यूं, झट बारह वर्षा रो। तयं प्रशान्त उपशान्त भाव स्यूं 'तुलसी' सफल जमारो।।।
Roman Transliteration
chhodo kyun koni chhodo kyun koni krodh ro nasho? thanri ankhyan men lohi ro uphan. chhodo kyun koni krodh ro nasho? thanri ak-bak bakne ri padgi ban. dujan nai kalai nag jyu daso..
krodh bado durgun duniya men, ghat-ghat men basnaro. jin ghat men nahin kadh nivasi, bo nar jagat-sitaro..
pachendriy prani ri yadyapi, karai n katal vicharo. tadpi kasayi nam kupit ro, agam vachan niharo..
prem paraspar dar pidhyan ro, shishtachar sada ro. khin bhar men tinkhai jyun tode, bol vachan mukh kharo..
gali sunyan n huyai gumda, chhidai n avayav thanro. the jo sahasyo sambhavan syun, (to) bo pichhtavanaharo..
galivan kathai syun lyasi, mang madhur vach pyaro. the to mridul manoharbhashi, apani virud vicharo..
jathai krodh hai ahankar ri niyma tajai n laro. sun drishtanta 'santa dhobi ro' man ri ris utaro..
viphal kiyo 'kul-putra' rosh jyun, jhat barah varsha ro. tayam prashanta upashanta bhav syun 'Tulsi' saphal jamaro...