दरस दिरावो हरख बधावो
Daras Diravo Harakh Badhavo
748
दरस दिरावो हरख बधावो — Lyrics
दरस दिरावो हरख बधावो ऊभा बाट निहारां, गुरूराज म्हे खिण-खिणि सिमरां नाथ ।।
चन्देरी में चमक्या, विश्व मांही दमक्या मानवता रा मान-गुरुराज थे । दीपती बा काया, निर्मल छाया श्रद्धा रा आस्थान - गुरुराज थे ।।
मुखड़े री मुलकन, पुलकित तन-मन सतजुग सा अवतारी-गुरुराज थे । हाथ री जिकारो, घणो ... मनहारी भव-भव मंगलकारी-गुरुराज थे ।।
जन-मन भावणो, अणुव्रत च्यानणो घट-घट में फैलायो-गुरुराज थे । जुण निर्माता, बोध प्रदाता संयम पाठ पढ़ायो-गुरुराज थे ।।
जन-जन देवता, पल-पल सेवता आत्मा रा विश्वास-गुरुराज थे । जाप जपां दिन-रात, याद आवो बात-बात ‘मोहजीत’ रा आश्वास-गुरुराज थे ।।
Roman Transliteration
daras diravo harakh badhavo ubha bat niharan, gururaj mhe khin-khini simran nath ..
chanderi men chamakya, vishva manhi damakya manavta ra man-gururaj the . dipti ba kaya, nirmal chhaya shraddha ra asthan - gururaj the ..
mukhde ri mulakan, pulkit tan-man satjug sa avatari-gururaj the . hath ri jikaro, ghano ... manhari bhav-bhav mangalkari-gururaj the ..
jan-man bhavno, Anuvrat chyanno ghat-ghat men phailayo-gururaj the . jun nirmata, bodh pradata sanyam path padhayo-gururaj the ..
jan-jan devta, pal-pal sevta atma ra vishvas-gururaj the . jap japan din-rat, yad avo bat-bat ‘mohjit’ ra ashvas-gururaj the ..