गुरु अरु बहिनां रो संवाद
Guru Aru Bahinan Ro Sanvad
839
गुरु अरु बहिनां रो संवाद — Lyrics
गुरु अरु बहिनां रो संवाद
गुरु—सीखो ए बायां खाणो गम, टाबरियां नै मारो मत धमाकधम।। धमाकधम—4, सीखो ए...।। गम खाणो है धर्म महान्, घर बण ज्यावै सुरग समान। है ओ प्रभुवर रो फरमान, सीखो ए...।।1।।
बहिनें—कह्यो न औं म्हारो मानै, अपणै ही हठ ने ताणै। म्है जद मारां, म्है जद मारां—2।।2।।
कियां गुरुजी राखां गम, टाबरिया मचावै जद घणी उधम।। गलत आदतां नहीं छोड़े, कुल मर्यादा नै तोड़ म्है जद मारां, म्है जद मारां, कियां गुरुजी...।।3।।
आपस में औ घणा लड़ै, कौरव-पाण्डव युद्ध छिड़ै। म्है जद मारां, म्है जद मारां, कियां गुरुजी...।।4।।
गुरु—मार्यां स्यूं बच्चा बिगड़, जीवन बांरो नहीं सुधरै। बड़ा हुयां थांस्यूं झगड़ै, सीखो ए...।।5।। प्रेम भाव स्यूं समझाओ, दिल में परिवर्तन ल्याओ। ओ उपाय भी अजमाओ, सीखो ए....।।6।।
बहिनें—नहीं समझै ए बातां स्यूं वश में आवै लातां स्यूं। मानै औ न विधाता स्यूं कियां गुरुजी...।।7।।
नाचै कूदै अरु रोवै, नहीं सोवण दे, नहीं सोवै। धीरज री भी हद होवै, कियां गुरुजी...।।8।।
गुरु— याद करो थे निज बचपन, बो नादानी रो जीवन, दु:खी बणायो मां रो मन, सीखो ए...।।9।।
एक बार में मत हारो, बच्चां नै मत दुत्कारो।। कह्यो मानसी बै थांरो,सीखो ए...।।10।।
बहिनें—नयी दिशा प्रभु दिखलायी, सुधा घूंट ज्यूं है पायी। समझ हिये म्हारै आयी।।11।।
गुरुवर दी शिक्षा उत्तम, मिट्यो म्हारै मनड़ै रो आज भरम।। अब स्यूं परिवर्तन त्यास्यां 'विजय' क्षमापथ अपनास्यां। आदत पर काबू पास्यां, गुरुवर दी...।।12।।
सीखो ए बायां खाणो गम, टाबरियां नै मारो मत धमाकधम।। धमाकधम—4, सीखो ए...।।
Roman Transliteration
Guru aru bahinan ro sanvad
Guru—sikho e bayan khano gam, tabriyan nai maro mat dhamakadham.. dhamakadham—4, sikho e..... gam khano hai Dharm mahan, ghar ban jyavai surag saman. hai o prabhuvar ro pharman, sikho e.....1..
bahinen—kahyo n aun mharo manai, apanai hi hath ne tanai. mhai jad maran, mhai jad maran—2..2..
kiyan guruji rakhan gam, tabriya machavai jad ghani udham.. galat adatan nahin chhode, kul maryada nai tod mhai jad maran, mhai jad maran, kiyan guruji.....3..
apas men au ghana ladai, kaurav-pandav yuddha chhidai. mhai jad maran, mhai jad maran, kiyan guruji.....4..
Guru—maryan syun bachcha bigad, jivan banro nahin sudhrai. bada huyan thansyun jhagdai, sikho e.....5.. prem bhav syun samjhao, dil men parivartan lyao. o upay bhi ajamao, sikho e......6..
bahinen—nahin samjhai e batan syun vash men avai latan syun. manai au n vidhata syun kiyan guruji.....7..
nachai kudai aru rovai, nahin sovan de, nahin sovai. dhiraj ri bhi had hovai, kiyan guruji.....8..
Guru— yad karo the nij bachapan, bo nadani ro jivan, du:khi banayo man ro man, sikho e.....9..
ek bar men mat haro, bachchan nai mat dutkaro.. kahyo mansi bai thanro,sikho e.....10..
bahinen—nayi disha Prabhu dikhlayi, sudha ghunt jyun hai payi. samajh hiye mharai ayi..11..
guruvar di shiksha uttam, mityo mharai mandai ro aj bharam.. ab syun parivartan tyasyan 'vijay' kshamapath apanasyan. adat par kabu pasyan, guruvar di.....12..
sikho e bayan khano gam, tabriyan nai maro mat dhamakadham.. dhamakadham—4, sikho e.....