गुरुदेव! अचानक
Gurudev! Achanak
848
गुरुदेव! अचानक — Lyrics
गुरुदेव! अचानक गुरुदेव! अचानक आप म्हांमें आ कांई करी? आ कांई करी, कल्पना रहगी सै धरी।।
1. चाल्या जद चन्देरी स्यूं, सोची घणी बातां, कियां के करणो चिन्तन चाल्यो कित्ती रातां। बिच-में क्यूं छोड़ पधारया शासन-प्रहरी!
2. के होतो पेली थोड़ो बतला दिराता? काई जल्दी, ऊपर के बंद हूंता खाता? गुपचुप पधारया लागी ठेस गहरी।।
3. तुलसी-महाप्रज्ञ री म्हें निरखी इकतारी, बिना सला हुई बात आ कियां परबारी? सुणतां ही दुनियां बणगी गूंगी, बहरी!
4. लारै बितेली कांई ध्यान दिराता, महाश्रमणी जी नै भी तो याद कराता। सूनी-सी होगी नानकियां री नगरी!
5. 'मधुकर' चरणाम्बुज में नित मोद मनातो, अणु-अणु स्यूं मिलती ऊर्जा जद-कद भी जातो। वत्सलता स्यूं सिंच्योड़ी बिखरी गगरी।।
Roman Transliteration
Gurudev! achanak Gurudev! achanak ap mhammen a kani kari? a kani kari, kalpana rahgi sai dhari..
1. chalya jad chanderi syun, sochi ghani batan, kiyan ke karno chintan chalyo kitti ratan. bich-men kyun chhod padharya shasan-prahri!
2. ke hoto peli thodo batla dirata? kai jaldi, upar ke band hunta khata? gupchup padharya lagi thes gahri..
3. Tulsi-Mahapragya ri mhen nirkhi ikatari, bina sala hui bat a kiyan parbari? suntan hi duniyan bangi gungi, bahri!
4. larai biteli kani dhyan dirata, mahashramni ji nai bhi to yad karata. suni-si hogi nankiyan ri nagri!
5. 'madhukar' charnambuj men nit mod manato, anu-anu syun milti urja jad-kad bhi jato. vatsalta syun sinchyodi bikhri gagri..