जय वीर प्रभु
Jay Vir Prabhu
26
जय वीर प्रभु — Lyrics
वीर प्रभु रो सुमिरण करल्यो, सुमिरण करल्यो, संकट दूर भगावै है, जय वीर प्रभु । वीरं वीरं घड़ी घड़ी जपल्यो, घड़ी घड़ी जपल्यो, नैया पार लगावै है, जय वीर प्रभु ।।
त्रिशला रा लाल प्यारा, सगलां स्यूं न्यारा हो, तेज रा सितारा जाणै, चान्द रा उजारा हो । वैशाली रंग ल्यावै है, जय वीर प्रभु ।।
मीठी—मीठी वाणी थांरी, रूप, अनूप हो, साधना ही समता री, छांह चाहै धूप हो । भव—बन्धन कट ज्यावै है, जय वीर प्रभु ।।
चेतना रै चान्दणे में, रूप नै निहारयो हो, आतमां रै आंगणे में, रंग नै निखारयो हो । शिव—सुख अनहद पावै है, जय वीर प्रभु ।।
शूली रो सिंहासन बणग्यो, प्रभुजी के नाम स्यूं, चन्दनां री बेड्यां टूटी, आपरै ही जाप स्यूं । नई रोशनी ल्यावै है, जय वीर प्रभु ।।
भेद री दीवारां तोड़, एकता सिखाई ही, भक्त स्यूं भगवान बणै, कला बा बताई ही । अर्जुन भी तर—ज्यावै है, जय वीर प्रभु ।।
गोरख धन्धा छोड़ भजे, भाव स्यूं भगवान नै, बो ही भक्त पावै आखिर, साचै आतम—ज्ञान नै । शान्त—सुधा बरसावै है, जय वीर प्रभु ।।
Roman Transliteration
vir Prabhu ro sumiran karalyo, sumiran karalyo, sankat dur bhagavai hai, jay vir Prabhu . viram viram ghadi ghadi japalyo, ghadi ghadi japalyo, naiya par lagavai hai, jay vir Prabhu ..
trishla ra lal pyara, saglan syun nyara ho, tej ra sitara janai, chanda ra ujara ho . vaishali rang lyavai hai, jay vir Prabhu ..
mithi—mithi vani thanri, rup, anup ho, sadhna hi samta ri, chhanh chahai dhup ho . bhav—bandhan kat jyavai hai, jay vir Prabhu ..
chetna rai chandane men, rup nai niharyo ho, ataman rai angane men, rang nai nikharyo ho . shiv—sukh anahad pavai hai, jay vir Prabhu ..
shuli ro sinhasan banagyo, prabhuji ke nam syun, chandanan ri bedyan tuti, aparai hi jap syun . nai roshni lyavai hai, jay vir Prabhu ..
bhed ri divaran tod, ekata sikhai hi, bhakta syun Bhagwan banai, kala ba batai hi . arjun bhi tar—jyavai hai, jay vir Prabhu ..
gorakh dhandha chhod bhaje, bhav syun Bhagwan nai, bo hi bhakta pavai akhir, sachai atam—jnan nai . shanta—sudha barsavai hai, jay vir Prabhu ..