जो पल जावे
Jo Pal Jave
1138
जो पल जावे — Lyrics
जो पल जावे जो पल जावै, पाछी न आवे इण पल रो के विश्वास मन ने मोड़ द्यो।।
सुख दु:ख इण जीवन में भाई रात दिवस ज्यूं आवे सुख नहीं स्थिर है दु:ख नहीं स्थिर है क्यूं भोला घबरावै च्यार दिनां री चांदणी, बिजली सो क्षणिक प्रकाश।।
कल करणो सो आज ही करल्यो, काल पतो कद आसी इक दिन पिंजरे छोड़ सुवटियो, छिन में ही उड़ जासी क्षण-क्षण मरणो जनमणो थांरी किण पर लंबी आश।।
धर्म करतां जो पल बीते, बा ही सफल गिणीजै पापों रो सिर भारो बांध्यां, आगे मानव छीजै सफल करो नर जनम ने अब करल्यो आत्म विकास।।
सयमं गोयम मा पमायए, वीर प्रभु री वाणी व्यर्थ गमाओ मत इक पल भी सुणल्यो ओ भवि प्राणी हड़को न धड़को बाद में भाई करल्यो अमर प्रवास।।
Roman Transliteration
jo pal jave jo pal javai, pachhi n ave in pal ro ke vishvas man ne mod dyo..
sukh du:kh in jivan men bhai rat divas jyun ave sukh nahin sthir hai du:kh nahin sthir hai kyun bhola ghabravai chyar dinan ri chandni, bijli so kshanik prakash..
kal karno so aj hi karalyo, kal pato kad asi ik din pinjre chhod suvtiyo, chhin men hi ud jasi kshan-kshan marno janamno thanri kin par lambi ash..
Dharm kartan jo pal bite, ba hi saphal ginijai papon ro sir bharo bandhyan, age manav chhijai saphal karo nar janam ne ab karalyo atma vikas..
sayamam goyam ma pamayae, vir Prabhu ri vani vyartha gamao mat ik pal bhi sunalyo o bhavi prani hadko n dhadko bad men bhai karalyo amar pravas..