कालू गण-सिणगार,
Kalu Gan-Singar,
1227
कालू गण-सिणगार, — Lyrics
कालू गण-सिणगार, म्हारो प्राग-पियारो रै, प्राग-पियारो, हार हिया रो, जन-जीवन आधार।।
१. मोहनी मुद्रा स्वाम की रै, खिण-खिण आवै याद। श्रवण-युगल भूलै नहीं रै, वचनामृत आस्वाद।।
२. वत्सलता गंभीरता रै, निर्मलता औदार्य। गुरुता पर-उपकारिता रै, सागी ज्यूं देवार्य।।
३. प्रबल पुण्य रो पोरसो रै, सतजुग रो अवतार। भाग्योदय स्यूं पामियो रै, गुरुवर गुण-आगार।।
४. संकट में साहसी पणो रै, हीरां तुलै ज्यूं बोल। सहज मिलै नहीं दूसरो रै, इसो निभावण कोल।।
५. मिनख तणो हद पारखी रै, न्याय निवेड़ण हार। पखपाती गुण को सदा रै, अवगुण हेतु कुठार।।
६. जस-अपजस में एकसो रै, विमल क्रिया आचार। हाथ ग्रहे की नाव नै रै, पार लगावण हार।।
७. अडिग वेदना में रयो रै, भरयो नहीं चसकार। धन्य-धन्य प्रभु वीरता रै, 'बुद्ध' सदा बलिहार।।
Roman Transliteration
Kalu gan-singar, mharo prag-piyaro rai, prag-piyaro, har hiya ro, jan-jivan adhar..
1. mohni mudra svam ki rai, khin-khin avai yad. shravan-yugal bhulai nahin rai, vachnamrit asvad..
2. vatsalta gambhirta rai, nirmalta audarya. guruta par-upakarita rai, sagi jyun devarya..
3. prabal punya ro porso rai, satjug ro avatar. bhagyoday syun pamiyo rai, guruvar gun-agar..
4. sankat men sahsi pano rai, hiran tulai jyun bol. sahaj milai nahin dusro rai, iso nibhavan kol..
5. minakh tano had parkhi rai, nyay nivedan har. pakhpati gun ko sada rai, avagun hetu kuthar..
6. jas-apajas men ekaso rai, vimal kriya achar. hath grahe ki nav nai rai, par lagavan har..
7. adig vedna men rayo rai, bharyo nahin chaskar. dhanya-dhanya Prabhu virta rai, 'buddha' sada balihar..