कल्पतरू रा बीज फल्या
Kalpatru Ra Bij Phalya
1294
कल्पतरू रा बीज फल्या — Lyrics
कल्पतरू रा बीज फल्या कल्पतरू रा बीज फल्या, बलिदानां रा सुमन खिल्या, आं सुमनां री सौरभ लेवण, आवो म्हारा स्वामी जी। आवो म्हारा भीखण जी, एक'र तो पधारो जी।।
1. दीपां सुत शासण सिरताज, नाम सुमरतां फळज्या काज। भगतां नै आशीर्वर देवण, आवो म्हारा स्वामी जी।।
2. थांरो शासण जग रो त्राण, ईं शासण नै अर्पित प्राण। आं प्राणां नै अमृत सेवण, आवो म्हारा स्वामी जी।।
3. निज हाथां स्यूं लिख्यो विधान, संघ संगठन बण्यो महान। उण नै पाछो आज पळेवण, आवो म्हारा स्वामी जी।।
4. काटी करमां री जंजीर, कष्टा में ना बण्या अधीर। बां कष्टा री क्हाण्यां केवण, आवो म्हारा स्वामी जी।।
5. आलोकित नभ धरा दिगन्त, जठै निकाल्यो तेरापंथ। उण ओरी में अब तो रेवण, आवो म्हारा स्वामी जी।।
6. पल-पल, छिन-छिन ध्यावां ध्यान, श्रद्धानत, हो करां प्रणाम। म्हां सगळां री नैया खेवण, आवो म्हारा स्वामी जी।।
Roman Transliteration
kalpatru ra bij phalya kalpatru ra bij phalya, balidanan ra suman khilya, an sumnan ri saurabh levan, avo mhara Swami ji. avo mhara Bhikhan ji, ek'r to padharo ji..
1. dipan sut shasan sirtaj, nam sumartan phalajya kaj. bhagtan nai ashirvar devan, avo mhara Swami ji..
2. thanro shasan jag ro tran, in shasan nai arpit pran. an pranan nai amrit sevan, avo mhara Swami ji..
3. nij hathan syun likhyo vidhan, Sangh sangathan banyo mahan. un nai pachho aj palevan, avo mhara Swami ji..
4. kati karman ri janjir, kashta men na banya adhir. ban kashta ri khanyan kevan, avo mhara Swami ji..
5. alokit nabh dhara diganta, jathai nikalyo terapanth. un ori men ab to revan, avo mhara Swami ji..
6. pal-pal, chhin-chhin dhyavan dhyan, shraddhanat, ho karan pranam. mhan saglan ri naiya khevan, avo mhara Swami ji..