मघवा गादीधर म्हारा
Maghava Gadidhar Mhara
1496
मघवा गादीधर म्हारा — Lyrics
मघवा गादीधर म्हारा मघवा गादीधर म्हारा श्री माणक महिमागरु। जयपुर रा जौहरी जागी जीवन-ज्योत हो।। भवसागर री पोत हो। म्हारा श्री माणक महिमागरु।।
1. करी जाचना जयाचार्यश्री लाला लिछमणदास स्यूं, मघवा लारै म्हारै चावै, द्यो अनुमति उल्लास स्यूं। पाई, दीक्षा दिलचारी मेटी मन री छोत हो।।
2. भण्या-गुण्या सिद्धांत शांतमन स्थविरां रै उपपात में, बरसां लग अगवाणी विचर्या फिर मघवा रै साथ में। आखिर, गुणचासै कीन्हो ध्रुव-पद रो उद्योत हो।।
3. चेत मास में पाट विराज्या प्रवर शहर सरदार में, छट्ठा आचारज शासन में एकछत्र अधिकार में। बा ही मर्यादा, बो ही अनुशासन को स्रोत हो।।
4. ओछी आयू, चार वर्ष ही प्रतप्या संत-शिरोमणी, साल चोपनै स्वर्ग सिधाया, शासन-गगन-नभोमणी। 'तुलसी' चौराहे चढ्यो कसौटी पर कलधौत हो।।
Roman Transliteration
Maghava gadidhar mhara Maghava gadidhar mhara shri Manak mahimagru. jaypur ra jauhri jagi jivan-jyot ho.. bhavsagar ri pot ho. mhara shri Manak mahimagru..
1. kari jachna jayacharyashri lala lichhamandas syun, Maghava larai mharai chavai, dyo anumti ullas syun. pai, diksha dilchari meti man ri chhot ho..
2. bhanya-gunya siddhant shantaman sthaviran rai upapat men, barsan lag agavani vicharya phir Maghava rai sath men. akhir, gunchasai kinho dhruv-pad ro udyot ho..
3. chet mas men pat virajya pravar shahar sardar men, chhattha acharaj shasan men ekachhatra adhikar men. ba hi maryada, bo hi anushasan ko srot ho..
4. ochhi ayu, char varsha hi pratapya sant-shiromni, sal chopnai svarga sidhaya, shasan-gagan-nabhomni. 'Tulsi' chaurahe chadhyo kasauti par kaldhaut ho..