म्हारो मन पारस प्रभु रै चरणां में लाग्यो,
Mharo Man Paras Prabhu Rai Charnan Men Lagyo,
1552
म्हारो मन पारस प्रभु रै चरणां में लाग्यो, — Lyrics
म्हारो मन पारस प्रभु रै चरणां में लाग्यो, फैल्यो है आलोक अंधेरो दूर भाग्यो, प्रभु रै चरणां में लाग्यो।।
१. अश्वसेन रा कुल-उजियाळा, वामा-देवी रा जाया। काशीवासी ज्ञान-विलासी, जन-जन रै मन में भाया। भीतर स्यूं अनुभववाळो स्रोत जाग्यो।।
२. तापस री आज्ञान तपस्या, देख सत्य-संधान करयो। जळतै नाग-युगल नै दे, नवकार-मंत्र अपध्यान हरयो। धरणेन्दर पदमावती रो गौरव पाग्यो।।
३. दीक्षा धारी, ध्यान लगायो, कमठ-उपद्रव गहरायो। भक्तिभाव स्यूं देव सहायक, बण कर मन में हरसायो। वीतरागता पाई जीवन महकाग्यो।।
४. चातुर्यामिक धर्म बतायो, जन-जीवन नै विकसायो। संघ चतुष्टय रो अनुशासन, जम्यो साधना रो पायो। सारो जग श्रीचरणां रै शरणै आग्यो।।
५. पुरुषादानी पारस प्रभु रो, चिंतामणि सो नाम खरो। 'बुद्ध' निरंतर ध्यावै, पावै, आत्मानंद सदा सखरो। मन पर पूरो भक्ति-भाव रो रस छाम्यो।।
Roman Transliteration
mharo man paras Prabhu rai charnan men lagyo, phailyo hai alok andhero dur bhagyo, Prabhu rai charnan men lagyo..
1. ashvasen ra kul-ujiyala, vama-devi ra jaya. kashivasi jnan-vilasi, jan-jan rai man men bhaya. bhitar syun anubhavvalo srot jagyo..
2. tapas ri ajnan tapasya, dekh satya-sandhan karyo. jaltai nag-yugal nai de, Navkar-Mantra apadhyan haryo. dharnendar padmavati ro gaurav pagyo..
3. diksha dhari, dhyan lagayo, kamath-upadrav gahrayo. bhaktibhav syun Dev sahayak, ban kar man men harsayo. vitragata pai jivan mahkagyo..
4. chaturyamik Dharm batayo, jan-jivan nai viksayo. Sangh chatushtay ro anushasan, jamyo sadhna ro payo. saro jag shricharnan rai sharnai agyo..
5. purushadani paras Prabhu ro, chintamni so nam kharo. 'buddha' nirantar dhyavai, pavai, atmanand sada sakhro. man par puro bhakti-bhav ro ras chhamyo..