महावीर अवतरया धरती पर, जग हरस-हिलोरां स्यूं भरग्यो,
Mahavir Avatarya Dharti Par, Jag Haras-Hiloran Syun Bharagyo,
1567
महावीर अवतरया धरती पर, जग हरस-हिलोरां स्यूं भरग्यो, — Lyrics
महावीर अवतरया धरती पर, जग हरस-हिलोरां स्यूं भरग्यो, हिंसा पर विजय अहिंसा री, ज्वाला पर मानो जळ गिरग्यो। जीणै रो भेद जगत् जाण्यो, पापां ऊपर पाळो पड़ग्यो, सदगुण रो बारो शुरू हुयो, अवगुण-पख धरती में गडग्यो।।
१. प्रभु सिद्धारथ रा अंग-जात, त्रिशला री कूख उजाळी ही, धन-धान बढ़या, सुख-चैन बढ़यो, घर-घर में हुई दिवाळी ही। जोबन-वय में घर छोड़ दियो, घनघोर तपस्या में रमग्या, ऊग्यो जद सूरज ज्ञान तणो, तम रा बढ़ता पगल्या थमग्या।।
२. विपदा री नदियां सूख गई, दासां रा आंसू पूंछीज्या, मानव री मानवता जागी, करुणा स्यूं हिवड़ा रंगीज्या। भौतिकवादयां रो मान गळ्यो, आध्यात्मिकता शिखरां चढ़गी, प्रभु रै पावन उपदेशां स्यूं, धार्मिकता री आभा बढ़गी।।
३. जड़-पूजा जड़ स्यूं हाल उठी, गुण री पूजा होवण लागी, सत् श्रद्धा-ज्ञान-चरण-गंगा, जग रो पातक धोवण लागी। स्याद्वाद समन्वय रो हामी, साचो दर्शन विस्तीर्ण हुयो, हर दृष्टि अपेक्षा स्यूं गूंथी, मिथ्या अन्धेर विदीर्ण हुयो।।
४. सुख-दुख रो कर्ता स्वयं आप, पुरुषार्थ-मंत्र जन-जन झाल्यो, समता निर्भयता स्वावलंब, जीवन-रस घट-घट में घाल्यो। जुग-जुग तक नाम अखी रै लो, ऋण मानैली धरती सारी, 'मुनि बुद्ध' भक्ति स्यूं भरयो सदा, चरणां में जावै बलिहारी।।
Roman Transliteration
Mahavir avatarya dharti par, jag haras-hiloran syun bharagyo, hinsa par vijay Ahimsa ri, jvala par mano jal giragyo. jinai ro bhed jagat janyo, papan upar palo padagyo, sadgun ro baro shuru huyo, avagun-pakh dharti men gadagyo..
1. Prabhu siddharath ra ang-jat, trishla ri kukh ujali hi, dhan-dhan badhya, sukh-chain badhyo, ghar-ghar men hui divali hi. joban-vay men ghar chhod diyo, ghanghor tapasya men ramagya, ugyo jad suraj jnan tano, tam ra badhta pagalya thamagya..
2. vipda ri nadiyan sukh gai, dasan ra ansu punchhijya, manav ri manavta jagi, karuna syun hivda rangijya. bhautikvadayan ro man galyo, adhyatmikta shikhran chadhgi, Prabhu rai pavan upadeshan syun, dharmikta ri abha badhgi..
3. jad-puja jad syun hal uthi, gun ri puja hovan lagi, sat shraddha-jnan-charan-ganga, jag ro patak dhovan lagi. syadvad samanvay ro hami, sacho darshan vistirna huyo, har drishti apeksha syun gunthi, mithya andher vidirna huyo..
4. sukh-dukh ro karta svayam ap, purushartha-Mantra jan-jan jhalyo, samta nirbhayta svavalamb, jivan-ras ghat-ghat men ghalyo. jug-jug tak nam akhi rai lo, rin manaili dharti sari, 'Muni buddha' bhakti syun bharyo sada, charnan men javai balihari..