मंगल गावो रे।
Mangal Gavo Re.
1641
मंगल गावो रे। — Lyrics
मंगल गावो रे। हर्ष बधावों रे, रंग लगावो रे।। आज भविकां श्री भिक्षू रो वार्षिक दिवस सनूर रे। मोच्छव मनावो ल्यावो भाव भरपूर।।
१. जननी मन विकसाई निरखी नंदन-नूर रे। बल्लूशा री वंशलता लहराई मन-अनुकूल।।
२. पाई अद्भुत आधथ श्री रुघनाथ रस-पूर रे। भिक्खण शिष्य बनाई आई दिल में खूब सबूर।।
३. भावितात्म श्रीभिक्ष् जोयो जीवन जरूर रे। तज गृहवास न वास विरति रो तो सहु धाणी धूर।।
४. गोपालक भण्डारी वा शिरधारी माल मजूर रे। निज मालिकता माने कुण नहिं जाने तास फितूर।।
५. सदुगुरु शिष्य समन्वय साझण न करयो मन मगरूर रे। पिण अशक्य पहचान तान मनधारयो काम करूर।।
६. साचो पंथ प्रचास्तमों वासयो मिथ्या-प्रकर प्रचूर रे। रजनी रो अंधारो टास्यो संहसरश्मि ज्यूं सूर।।
७. अधरम धर्म-विवेचन समझे बाल वृद्ध मजदूर रे। भोग रु त्याग असंयम संयम आत्म विदूर अदूर।।
८. दया दया पर पय रो उपनय गो महिषी अक थूर रे। मिश्र-धर्म हित घिरत-तमाखू हेतू दियो-हजूर!।।
९. शासन-शैली रची नवेली नाम कियो मशहूर रे। आवै सो चकरावे सुण-सुण आर्य म्लेच्छ शक हूर।।
मूक म्हारो केड़लो
१०. जासवचोमृत आगै लागै विस आम अंगूर रे। भागे भूख सुणत दिल जागै श्रद्धामय-अंकूर।।
११. कैठिन परीषह सही सहिम्मत मरण कियो मंजूर रे पिण कहिं लाल-पाल नहिं झाली दुनियां पै झुर-झूर।।
१२. अन्तिम सीख सुंहाछी आली श्रमणाली में सूर रे।। शासन-सुरतरु मूकी मत को बोवो रे बंबूर।।
१३. संत-सती सुखदाई राखो हेत परस्पर पूर रे। दीक्षा देख-देख ने दीज्यो मत मूंडो भख-भूर।।
१४. आचारज री आज्ञा जो कोइ भंग करै बेसूर रे। सटित पान ज्यूं जान भयानक झटिति करीज्यो दूर।।
१५. अति कठोर गुरु-सीख समापे आपे दंड अरूर रे। तो पिण निज अवगुण नै मापे स्वीकृत करो कसूर।।
१६. सप्त प्रहर संथारे त्याग्यो मनुज-अंग भंगूर रे। स्वर्ग विराज्यो छिति पे छाज्यो बाज्यो जग जशन्तूर।।
१७. पाट परंपर भारिमाल ऋषिराय जयो जय सूर रे। मघ माणिक्य डालगणि कालू चोक कियो चकचूर।।
१८. उगणीसै नवनवती वर्षे चूर शहर चरूर रे। मुनि इकतीस, सती पैंताली संघ सयल सिंदूर।।
Roman Transliteration
Mangal gavo re. harsha badhavon re, rang lagavo re.. aj bhavikan shri bhikshu ro varshik divas sanur re. mochchhav manavo lyavo bhav bharpur..
1. janni man viksai nirkhi nandan-nur re. ballusha ri vanshalta lahrai man-anukul..
2. pai adbhut adhath shri rughnath ras-pur re. bhikkhan shishya banai ai dil men khub sabur..
3. bhavitatma shribhiksh joyo jivan jarur re. taj grihvas n vas virti ro to sahu dhani dhur..
4. gopalak bhandari va shirdhari mal majur re. nij malikta mane kun nahin jane tas phitur..
5. saduguru shishya samanvay sajhan n karyo man magrur re. pin ashakya pahchan tan mandharayo kam karur..
6. sacho panth prachastamon vasyo mithya-prakar prachur re. rajni ro andharo tasyo sanhasarashmi jyun sur..
7. adharam Dharm-vivechan samjhe bal vriddha majdur re. bhog ru tyag asanyam sanyam atma vidur adur..
8. daya daya par pay ro upanay go mahishi ak thur re. mishra-Dharm hit ghirat-tamakhu hetu diyo-hajur!..
9. shasan-shaili rachi naveli nam kiyo mashhur re. avai so chakrave sun-sun arya mlechchha shak hur..
muk mharo kedlo
10. jasavchomrit agai lagai vis am angur re. bhage bhukh sunat dil jagai shraddhamay-ankur..
11. kaithin parishah sahi sahimmat maran kiyo manjur re pin kahin lal-pal nahin jhali duniyan pai jhur-jhur..
12. antim sikh sunhachhi ali shramnali men sur re.. shasan-suratru muki mat ko bovo re bambur..
13. sant-sati sukhdai rakho het paraspar pur re. diksha dekh-dekh ne dijyo mat mundo bhakh-bhur..
14. acharaj ri ajna jo koi bhang karai besur re. satit pan jyun jan bhayanak jhatiti karijyo dur..
15. ati kathor Guru-sikh samape ape dand arur re. to pin nij avagun nai mape svikrit karo kasur..
16. sapta prahar santhare tyagyo manuj-ang bhangur re. svarga virajyo chhiti pe chhajyo bajyo jag jashantur..
17. pat parampar bharimal rishiray jayo jay sur re. magh manikya dalagni Kalu chok kiyo chakchur..
18. uganisai navanavti varshe chur shahar charur re. Muni ikatis, sati paintali Sangh sayal sindur..