मर्यादा रा गीत – धरती अम्बर समन्दर गावै
Maryada Ra Git – Dharti Ambar Samandar Gavai
2998
मर्यादा रा गीत – धरती अम्बर समन्दर गावै — Lyrics
धरती अम्बर समन्दर गावै मर्यादा रा गीत। जागी पुण्याई भारत भूमि री।।
बलिदानां री अमर कहाणी, शासन है ध्रुवतारो, खून-पसीने स्यूं गण सींच्यो, निरखण जिस्यो निजारो। बाबै भिक्षु रो पुण्य प्रताप, पायो ओ नवनीत।।
सचमुच आपां हां सौभागी, नन्दनवन ओ पायो, सदाबहार संघ आपणो, गणमाली मन भायो। चालै एक डोर में सगळा, राखे निर्मल नीत।।
गुरु आणा बिन हिले न पत्तो, आणा गण प्राकार, इणरी आणा लोपी बो-तो, डूब्यो काळी-धार। आयो शासण रै सरणै जो भी, गयो जमारो जीत।।
जयाचार्य री सूझबूझ रो, ओ अनुपम अवदान, अनुशासन रै राजमार्ग पर, शासन रथ गतिमान। इणरै कण-कण में गूंजै, अभिनव मर्यादा संगीत।।
संघ हिमालय री सुषमा लख, हियो हिलौरां खावै, बड़ा-बड़ा दिग्गज भी इणरा, सुण विधान चकरावै। गण है गंगा-सो उजळो-उजळो, गणपति परम पुनीत।।
Roman Transliteration
dharti ambar samandar gavai maryada ra git. jagi punyai bharat bhumi ri..
balidanan ri amar kahani, shasan hai dhruvtaro, khun-pasine syun gan sinchyo, nirakhan jisyo nijaro. babai Bhikshu ro punya pratap, payo o navnit..
sachmuch apan han saubhagi, nandanavan o payo, sadabhar Sangh apano, ganmali man bhayo. chalai ek dor men sagla, rakhe nirmal nit..
Guru ana bin hile n patto, ana gan prakar, inari ana lopi bo-to, dubyo kali-dhar. ayo shasan rai sarnai jo bhi, gayo jamaro jit..
Jayacharya ri sujhbujh ro, o anupam avadan, anushasan rai rajmarga par, shasan rath gatiman. inarai kan-kan men gunjai, abhinav maryada sangit..
Sangh himalay ri sushma lakh, hiyo hilauran khavai, bada-bada diggaj bhi inara, sun vidhan chakravai. gan hai ganga-so ujalo-ujalo, ganapti param punit..